سندھ میں تبدیلی کیلئے قانونی طریقہ کار اپنایا جائے گا،علی زیدی

کراچی :وفاقی وزیر برائے بحری امور سید علی زیدی نے سندھ میں گورنر راج کی مخالفت کرتے ہوئے کہا ہے کہ صوبے میں تبدیلی کے لیے قانونی طریقہ کار اپنایا جائے گا۔

سندھ میں لاک ڈاؤن نافذ کرکے پیپلزپارٹی کی حکومت نے دوغلے پن کا مظاہرہ کیا ہے ۔کورونا وائرس پر ویکسی نیشن اورایس او پیز پر عملدرآمد کرکے قابو پایا جاسکتا ہے۔گزشتہ پانچ ماہ کے دوران کے پی ٹی نے 600ملین روپے کی بچت کی ہے ۔اس عرصے میں ادارے سے کسی ملازم کو برطرف بھی نہیں کیا گیا ۔چیئرمین کے پی ٹی کی مستقل نوکری کا لیٹر جلد جاری ہوجائے گا۔

خراب موسم کی وجہ سے گذشتہ دنوں میں کئی جہازوں کے اینکرز ٹوٹے ہیں۔کراچی کے ساحل پر پھنسے جہاز کا ہم سے کوئی تعلق نہیں ہے ۔یہ جہاز ڈرفٹ کرتے ہوئے یہاں پہنچاہے ۔وہ بدھ کو کے پی ٹی آئل پیئر تھری کے دورے کے موقع پر میڈیا سے بات چیت کررہے تھے۔

علی زیدی نے کہا کہ پاکستان فلیگ کا برتھ جو بھی ہوگا اس کا فرسٹ برتھنگ رائٹ ہے۔وزارت دفاع جب ہمیں لکھ کر دیتی ہے یہ جہاز پہلے لگادیں ۔اس صورت میں ڈیمانڈ کے مطابق جہاز لگایا جاتا ہے۔

ہم سے پہلے یہ ضرور ہوتا تھا کہ کچھ لوگوں کی مرضی سے جہاز لگ جاتے تھے۔جس سے ریٹ اچھا مل جائے وہ جہاز پہلے لگادیا جاتا تھا ۔انہوں نے کہا کہ کیماڑی پر تین آئل پئیرز ہیں جس سے تمام لیکویڈ کارگو ٹریٹ ہوتا ہے۔

آئل پئیر تھری کو کووڈ کے باوجود بھی فاسٹ ٹریک پر ساتھ دوبارہ بنایا گیا ہے ۔اگلے 25 سال کے لیے یہ پیئر فعال ہوگیا ہے ۔پیئر2مکمل بحال ہے جبکہ پیئرون پر کچھ مرمتی کام باقی ہے ۔علی زیدی نے کہا کہ آج دوبارہ سے یہاں جہاز لنگر انداز ہوا ہے۔

ساڑھے تیرہ میٹر کی ڈریجنگ بھی کی گئی ہے۔ڈھائی ملین پانڈ کے پارٹس لگانے کے بعد بھی جو ڈریجر پانچ سال سے بند تھا اسی سے ہی کام کروایا گیا۔

آج وہ ڈریجر بھی ہماری کاوشوں سے چل گیا اور اسی نے یہ بھی کام کردیا ہے ۔ ہم نے ڈریجر بند ہونے کی کی سب انکوائری نیب کو دے دی ہے۔

انہوں نے کہا کہ کے پی ٹی کا کوئی ایک مسلہ نہیں تھا یہاں مسائل کے انبار تھے ۔کے پی ٹی کے ایک صاحب کو ایف آئی اے نے حراست میں لیا۔ان صاحب کے گھر میں 150 سے زائد ایچ آر کی فائلیں موجود تھیں۔ابھی وہ ضمانت پر باہر ہیں سپریم کورٹ میں ان کی ضمانت کو چیلنج کیا ہے۔

انہوں نے کہا کہ ہم ادارے میں بہتری لانے کے لیے کوشاں ہیں ۔گزشتہ پانچ ماہ کے دوران کے پی ٹی کے 600ملین روپے بچائے ہیں اور کسی ملازم کو برطرف بھی نہیں کیا ہے۔

مزید پڑھیں:کراچی، شوکت خانم ہسپتال کو جدید ترین سہولیات سے آراستہ کریں گے۔وزیراعظم

چئیرمین کے پی ٹی کی مستقل نوکری کا لیٹر جلد جاری ہوجائے گا۔وفاقی وزیر بحری امور نے کہا کہ سندھ میں کورونا وائرس بہت تیزی سے پھیلا ہے لیکن سندھ حکومت نے اس معاملے پر دوغلے پن کا مظاہرہ کیا ہے ۔مکمل لاک ڈاؤن سے عام آدمی کی زندگی میں مزید مشکلات پیدا ہوںگی ۔

انہوں نے بھارتی ویئرنٹ کو مودی ویئرنٹ قرار دیتے ہوئے کہا کہ یہ ویئرنٹ دو ماہ قبل کراچی ایک نجی اسپتال میں موجود تھا ۔سندھ حکومت کو اسی وقت اس کی روک تھام کرنی چاہیے تھی۔

کورونا وائرس پرویکسی نیشن اور ایس او پیز پر عملدرآمد کرکے ہی قابو پایا جاسکتا ہے ۔کسی ایم این اے کے گھر شادی کی تقریب میں زیادہ مہمانوں کو مدعو کیا گیا ہے تو یہ بھی غلط ہے۔ا وقت تک کے پی ٹی میں 50ہزار سے زائد ویکسین لگائی جاچکی ہیں۔

کراچی کے ساحل پر پھنسنے جہاز کے حوالے سے پوچھے گئے سوال کے جواب میں علی زیدی نے کہا کہ دنیا میں سوئس کنال میں بھی جہاز پھنس جاتے ہیں ۔پہلی مرتبہ ساحل پر جہاز نہیں لگا۔

یہ ملک میں تیسرا واقعہ ہے۔خراب موسم کی وجہ سے گذشتہ دنوں میں کئی جہازوں کے اینکرز ٹوٹے ہیں۔کراچی کے ساحل پر پھنسے جہاز کا ہم سے کوئی تعلق نہیں ہے ۔یہ جہاز ڈرفٹ کرتے ہوئے یہاں پہنچاہے جو بھی جہاز پر کام ہونا ہے وہ اس کے مالک کا ہے۔اگر مالک کام نہیں کرتا تو یہ جہاز حراست میں لے لیا جائے گا۔

دبئی سے جو مالک نے ٹگ بھیجا وہ بھی گراؤنڈ ہوگیا تھا۔انہوں نے کہا کہ پورٹ پر داخل ہونے والے ٹرک کے بریک چیک نہیں کیے جاسکتے ہیں ۔اب پورٹ میں داخل ہونے والے ٹرکوں کو غیر متعلقہ پرچیاں نہیں دی جاتی ہیں۔

ریلوے اور ایوی ایشن کے پاس ادارے موجود ہیں ۔پاکستان میری ٹائم ڈیفنس منسٹری کے دائرے میں آتی ہے۔ہمارے پاس صرف پی ایس ایف موجود ہے۔

اس کی کارکردگی میں بہتری آئی ہے۔سندھ میں تبدیلی سے متعلق پوچھے گئے سوال کے جواب میں علی زیدی نے کہا کہ وہ صوبے میں گورنر راج کے حامی نہیں ہیں۔ سندھ میں تبدیلی کے لیے قانونی طریقہ کار اپنایا جائے گا۔