پاک ایران سرحد کے قریب بارودی سرنگ کا دھماکہ، 6 جوان شہید

کوئٹہ: ضلع کیچ کے علاقہ بلیدہ میں آئی ای ڈی دھماکے میں ایک افسر سمیت 5 جوانوں نے جام شہادت نوش کیا۔ پاک فوج کے شعبہ تعلقات عامہ (آئی ایس پی آر) کے مطابق پاک ایران بارڈر کے نزدیک ضلع کیچ کے علاقے بلیدہ میں بارودی سرنگ کے دھماکے میں پاک فوج کا ایک افسر اور پانچ جوان شہید ہوگئے، جب کہ ایک جوان زخمی بھی ہوا۔

1 offr, 5 soldiers embraced shahadat as FC South #Balochistan vehicle was targeted with remote controlled IED while returning from patrolling in Buleda, 14 kms from Pak-Iran Border, to check possible routes used by terrorists in mountainous terrain of Mekran. #OurMartyrsOurHeroes pic.twitter.com/mES0jMWRxq

— DG ISPR (@OfficialDGISPR) May 8, 2020

آئی ایس پی آر کے مطابق پاک فوج کے جوان پیٹرولنگ کی ڈیوٹی سرانجام دے کر واپس آرہے تھے کہ دہشت گردوں نے راستے میں ریموٹ کنٹرول آئی ای ڈی سے سیکیورٹی فورسز کی گاڑی کو نشانہ بنایا۔ایسا پہلے مرتبہ نہیں ہوا کہ بلکہ دشمن اپنے ناپاک عزائم کی تکمیل کے لئے پاک فوج پر بزدلانہ حملوں کے مرتکب ہوتے رہتے ہیں۔

واضح رہے کہ شہید ہونے والوں میں میجر ندیم عباس بھٹی، نائیک جمشید، لانس نائیک تیمور، لانس نائیک خضر حیات، سپاہی ساجد اور سپاہی ندیم شامل ہیں۔پاک فوج کی جانب سے ملحقہ علاقے میں آپریشن شروع کردیا گیا ہے۔