لاہور، سرکاری نرخ ناموں کے برعکس سبزیوں اور پھلوں کی مہنگے داموں فروخت جاری

لاہور: لاہور میں سرکاری نرخ ناموں کے برعکس سبزیوں اور پھلوں کی مہنگے داموں فروخت جاری ہے۔

تفصیلات کے مطابق لاہور کی مارکیٹوں میں سبزیاں سرکاری نرخ ناموں کے برعکس مہنگے فروخت کی جارہی ہیں۔

پیازکی سرکاری ریٹ لسٹ میں  قیمت 83 روپے کلومقررکی گئی لیکن درجہ اول خشک پیاز 90 روپے کلو تک فروخت کی جارہی ہے۔

ٹماٹر کی  سرکاری قیمت 105 روپے کلو مقرر کی گئی تاہم  درجہ اول ٹماٹرکی فروخت 150  روپے فی کلو تک جاری ہے جبکہ لہسن چائنہ سرکاری قیمت 305 روپے کلو مقرر کی گئی جبکہ 360 روپے فی کلو تک فروخت کی جارہی ہے۔

یہ بھی پڑھیں:

انٹربینک میں ڈالر کی قیمت میں 60 پیسے کا اضافہ ہوگیا

ادرک کی سرکاری قیمت 290 روپے کلو مقررکردی گئی، مارکیٹ میں ادرک  340 روپے کلو تک فروخت کیا جانے لگا، سبز مرچ کی سرکاری قیمت 126 روپے کلو کردی گئی جبکہ مارکیٹ میں 150 روپے فی کلو تک فروخت کی جارہی ہے۔

اسی طرح ، دیسی لیموں آلو ٹینڈے، آلو، بینگن اور دیگر سبزیاں کی قیمت میں بھی 10 سے 20 روپے کا سرکاری لسٹ کے برعکس سبزی منڈی مارکیٹ والوں نے اضافہ کردیا ہے۔

علاوہ ازیں مارکیٹ میں سرکاری ریٹ لسٹ میں پھل بھی مہنگے کردئیے ہیں، سیب کی سرکاری قیمت 187روپے کلو مقرر کی گئی جبکہ درجہ اول  سیب کی فروخت 320  کلو تک ہونے لگےـ

جبکہ کیلا، پپپیتا، آم، ایرانی کھجور، خوابنی آڑو اور دیگر پھلوں کی قیمت بھی سرکاری ریٹ لسٹ کے برعکس 20 سے 30 روپے تک اضافے سے بیچ رہے ہیں۔

چونسہ آم 5 روپے بڑھاکر سرکاری ریٹ لسٹ میں 235 روپے  کلو مقررکی گئی  تاہم مارکیٹ میں آم 280 روپے کلو تل بکنے لگا ہے، امرود 2 روپے بڑھاکر سرکاری ریٹ لسٹ میں 80 روپے کلومقررکیا گیا تاہم مارکیٹ میں امرود کی فروخت 110 روپے کلو تک کی جارہی ہے۔