گوگل نیوز پر ہمیں فالو کریںبالی ووڈ کی معروف اداکارہ کریتی سینن نے باہوبلی اسٹار پربھاس سے تعلقات کی افواہوں پر خاموشی توڑ دی۔
فوٹو اینڈ ویڈیو شیئرنگ ایپ انسٹاگرام پر کریتی سینن نے ساتھی اداکار پربھاس سے تعلقات کی خبروں کی تردید کرتے ہوئے انہیں بے بنیاد قرار دے دیا۔
انہوں نے لکھا کہ ان کے ساتھی اداکار ورون دھون ریئلٹی شو میں کچھ زیادہ ہی جذباتی ہو گئے تھے اور ان کا کیا ہوا مذاق افواہوں کا سبب بن گیا۔
کریتی سینن کا کہنا تھا کہ نہ یہ پیار ہے اور نہ ہی پی آر دراصل ہمارا بھیڑیا ریئلٹی شو پر کچھ زیادہ ہی جذباتی ہو گیا تھا۔ اس سے پہلے کہ کوئی پورٹل میری شادی کی تاریخ کا اعلان کر دے میں خود بتا دیتی ہوں کہ یہ افواہیں بے بنیاد ہیں۔
یاد رہے کہ گزشتہ دنوں کریتی سینن اور ورون دھون بھارتی ریئلٹی شو کا حصہ بنے تھے جہاں ورون دھون نے کریتی اور پربھاس کے تعلقات کی طرف اشارہ کیا تھا۔
