گوگل نیوز پر ہمیں فالو کریںبالی ووڈ فلم انڈسٹری کی معروف اداکارہ کیارا ایڈوانی نے کہا ہے کہ اداکار سدھارتھ ملہوترا میرے شریکِ حیات ہی نہیں بلکہ بہترین دوست بھی ہیں۔
تفصیلات کے مطابق سدھارتھ ملہوترا اور کیارا ایڈوانی نے رواں برس کچھ ہی عرصہ قبل شادی کی جس کے بعد دونوں کے انٹرویوز، گفتگو اور مختلف دیگر قصے سوشل میڈیا کی زینت بنتے رہے ہیں۔
ہر گزرتے دن کے ساتھ نیا تجربہ حاصل ہورہا ہے، نیلم منیر
اپنے ایک حالیہ انٹرویو کے دوران اداکارہ کیارا ایڈوانی نے کہا کہ ابھی ابھی میری شادی ہوئی ہے۔ یہ محبت کی شادی تھی، تو فطری طور پر میرا یقین ہے کہ سچی محبت اپنا وجود رکھتی ہے۔
کیارا ایڈوانی ان دنوں اپنی رومانوی فلم ستیا پریم کی کتھا کی تشہیری مہم میں مصروف ہیں جس میں ان کے ہمراہ کارتک آریان نے مرکزی کردار میں اداکاری کے جوہر دکھائے ہیں۔ فلم رواں ہفتے ہی ریلیز ہوگی۔
اپنے شریکِ حیات سدھارتھ ملہوترا کے متعلق گفتگو کرتے ہوئے اداکارہ کیارا ایڈوانی نے کہا کہ گھر دو لوگوں سے بنتا ہے اور میں بہت خوش قسمت ہوں کہ میرے ساتھی وہی انسان ہیں جن کے ساتھ زندگی گزارنے کا انتخاب میں نے خود کیا۔
اداکارہ کیارا ایڈوانی نے کہا کہ میرے شریکِ حیات میرے شوہر ہی نہیں، بہترین دوست ہی نہیں بلکہ میرے لیے سب کچھ بلکہ میرا گھر بھی ہیں۔ میں جہاں بھی جاؤں، وہی میرے اہلِ خانہ اور گھر کی حیثیت اختیار کرجاتے ہیں۔
