گوگل نیوز پر ہمیں فالو کریںاسلام آباد: وزیرِ دفاع خواجہ آصف نے کہا ہے کہ نواز شریف کی وطن واپسی کیلئے قانونی معاملات پر کام جاری ہے۔
تفصیلات کے مطابق وزیرِ دفاع خواجہ آصف نے میڈیا سے گفتگو کے دوران کہا کہ نواز شریف کی واپسی کیلئے قانونی معاملات درست کیے جارہے ہیں۔ جیسے ہی معاملات سلجھتے ہیں، میاں صاحب وطن واپس آجائیں گے۔
ملک کے معاشی بحران کا واحد حل عام انتخابات ہیں، عمران خان
سابق وزیر اعظم نواز شریف کو ایون فیلڈ ریفرنس میں اشتہاری قرار دیا گیا تھا۔ اسلام آباد ہائیکورٹ میں سزاؤں کے خلاف اپیلوں پر سماعت ہوتی رہی اور عدم پیشی پر ہی ہائیکورٹ نے انہین اشتہاری قرار دے دیا۔
نواز شریف کی وطن واپسی پر درخواست دائر کرنے کی ہدایت کرتے ہوئے اسلام آباد ہائیکورٹ نے کیس بند کردیا تھا۔ بعد ازاں مریم نواز اور کیپٹن (ر) صفدر کو اپیلوں کی سماعت کے بعد بری کردیا گیا تھا۔
حال ہی میں وفاقی حکومت نیب ترامیم کا سہارا لیتے ہوئے نواز شریف کی ضمانت کیلئے راہیں ہموار کردیں۔ اب سابق وزیر اعظم اور ن لیگ کے تاحیات قائد کو عدالت سے رجوع کرکے کلین چٹ لینا ہوگی۔
ماہرینِ قانون کا کہنا ہے کہ نواز شریف اگر وطن واپس آئے تو سزا یافتہ ہونے کے باعث انہیں عدالت کے روبرو سرنڈر کرنا ہوگا، جیسا کہ وزیر اعظم شہباز شریف کے بیٹے سلیمان شہباز کیلئے قانونی راستہ فراہم کیا گیا تھا۔
