کیون اسپیسی ہاؤس آف کارڈز کیس ہار گئے، 3کروڑ10لاکھ ڈالر کا جرمانہ عائد

لاس اینجلس: جنسی ہراسانی کے الزام میں برطرف کیے گئے امریکی اداکار کیون اسپیسی ہاؤس آف کارڈز کیس ہار گئے ہیں جس کے بعد انہیں پروڈکشن کمپنی کو 3کروڑ 10 لاکھ ڈالرز کا جرمانہ ادا کرنا ہوگا۔

تفصیلات کے مطابق نیٹ فلکس پر نشر ہونے والی سیاسی سازش کی مشہور کہانی ہاؤس آف کارڈز بنانے والی پروڈکشن کمپنی ایم آر سی نے کیون اسپیسی کے پراجیکٹ سے اچانک اخراج سے منسوب اپنی کھوئی ہوئی آمدنی کیلئے ہرجانے کا مطالبہ کیا تھا۔

یہ بھی پڑھیں:

پریانکا کا نک کے بازوؤں پر تبصرہ، علیحدگی کی افواہیں دم توڑ گئیں

علیزے شاہ نے یاسر نواز سے بہت بدتمیزی کی۔نوید رضا کا انکشاف

اداکار کیون اسپیسی کے خلاف 19 اکتوبر کو یہ فیصلہ ایک ثالثی جج نے سنایا۔ ایم آر سی نے لاس اینجلس کی عدالت مین فیصلے کی توثیق کیلئے درخواست دائر کر رکھی تھی۔ پروڈکشن کمپنی نے کیون اسپیسی کو ہراسانی کے الزامات پر خود معطل کیا تھا۔

تحقیقات سے یہ بات سامنے آئی کہ امریکن بیوٹی میں اداکاری کرنے والے کیون اسپیسی اداکاری اور ایگزیکٹو پروڈیوسنگ دونوں معاہدوں کی دفعات کی خلاف ورزی کے مرتکب ہوئے جس میں جنسی ہراسانی کے الزامات بھی شامل ہیں۔

می ٹو نامی مہم کے دوران الزامات کی لہر نے 62 سالہ بزرگ اداکار کیون اسپیسی کا شاندار کیرئیر بھی تباہ کردیا۔ اسپیسی نے ہاؤس آف کارڈز کے 5 سیزنز میں بے ایمان امریکی سیاستدان فرینک انڈر ووڈ کا کردار نبھایا جس پر انہیں کافی پذیرائی ملی تھی۔

اس حوالے سے ایم آر سی کا کہنا تھا کہ کمپنی کو کیون اسپیسی کے کسی بھی شخص سے طرزِ عمل کے متعلق کوئی علم نہیں تھا۔ ہراسانی کے الزامات پر سینئر اداکار کو نکالنے پر کمپنی کو شدید مالی نقصان پہنچا اور سیریز کا چھٹا سیزن دوبارہ ڈیزائن کرنا پڑا۔