گوگل نیوز پر ہمیں فالو کریںبالی ووڈ اداکار کارتک آریان آج اپنی 32ویں سالگرہ منا رہے ہیں، کارتک آریان نے پیار کا پنچ نامہ سے 2011 میں فلم انڈسٹری میں قدم رکھا تھا۔
تفصیلات کے مطابق کارتک آریان 22 نومبر 1990 کے روز بھارتی شہر گوالیار میں پیدا ہوئے اور 2011 سے فلموں میں اداکاری کا آغاز کیا اور دیکھتے ہی دیکھتے فلمی دنیا پر چھا گئے۔
ارمینا خان کے ہاں ننھے مہمان کی آمد جلد متوقع
آج سے 4 سال قبل سونو کے ٹیٹو کی سوئیٹی نامی فلم سے کارتک آریان کو بے مثال شہرت ملی جس کے بعد سے اس اداکار نے پیچھے مڑ کر نہیں دیکھا۔ سالگرہ کے موقعے پر ان کی آنے والی 5 فلمیں مندرجہ ذیل ہیں:
فریڈی (2022)
ششانکا گھوش کی ہدایتکاری میں بننے والی فلم فریڈی رواں برس ریلیز کی جائے گی جس میں کارتک آریان مرکزی کردار میں جلوہ گر ہوں گے۔ فلم کی ریلیز کیلئے 2 دسمبر کی تاریخ رکھی گئی ہے۔
شہزادہ (2023)
تیلگو سینما بالی ووڈ سے کہانی کی دوڑ میں کبھی کبھار آگے نکل جاتا ہے۔ 2020 کی تیلگو فلم ویکنتھاپرامولو کی کہانی پر مبنی فلم شہزادہ آئندہ برس ریلیز کی جائے گی جس میں کیرتی سینون، پریش راول، منیشا کوئرالہ، رونت رائے اور کارتک آریان مرکزی کردار ادا کریں گے۔
ستیاپریم کی کتھا (2023)
)
کارتک آریان کی نئی فلم ستیاپریم کی کتھا موسیقی پر مبنی رومانوی فلم ہے جس میں کارتک آریان کے بالمقابل کیارہ ایڈوانی نظر آئیں گی، فلم کی ریلیز کی تاریخ 29 جون 2023 رکھی گئی ہے۔
عاشقی 3 (2023)
انوراگ باسو کی ہدایتکاری میں بننے والی فلم عاشقی تھری اسی سیریز کی پہلی 2 فلمز کی طرح رومانوی ہے تاہم اس میں تھرل اور تجسس کا عنصر بھی نمایاں ہے۔ کارتک آریان کی یہ فلم 2023 کے آخر میں ریلیز کی جائے گی۔
کیپٹن انڈیا (2023)
ہنسل مہتا کی ایکشن موسی کیپٹن انڈیا میں بھی کارتک آریان مرکزی کردار ادا کرتے نظر آئیں گے جو آئندہ برس ریلیز کی جائے گی۔ فلم میں کارتک آریان کا کردار پائلٹ کا ہوگا۔
