گوگل نیوز پر ہمیں فالو کریںلندن: پاکستانی اداکارہ ارمینا خان کے ہاں ننھے مہمان کی آمد جلد متوقع ہے، یہ خوشخبری اداکارہ نے اپنے مداحوں کو خود سنائی۔
فوٹو شیئرنگ پلیٹ فارم انسٹاگرام پر اداکارہ ارمینا خان نے بے بی شاور کی تصاویر شیئر کیں اور ننھے مہمان کی آمد کے مرحلے کو اپنی زندگی کا سب سے خوبصورت اور بڑا عمل قرار دیا۔
فیفا ورلڈکپ، مداحوں کی نگاہیں نورا فتیحی کو ڈھونڈتی رہیں
اداکارہ ارمینا خان کا اپنے انسٹاگرام پیغام میں ماں بننے پر خوشی کا اظہار کرتے ہوئے کہنا تھا کہ میرے شوہر فیصل خان اور میں اِس خوبصورت تحفے کیلئے اللہ تعالیٰ کے شکر گزار ہیں۔
View this post on Instagram
اداکارہ ارمینا خان کی جانب سے ماں بننے کی خبر پر مداحوں نے پسندیدگی کا اظہار کرتے ہوئے انہیں مبارکباد دی اور کمنٹ باکس میں نیک تمناؤں کا اظہار بھی کیا ہے۔
View this post on Instagram
خیال رہے کہ اداکارہ ارمینا خان نے فلم جاناں سے شہرت حاصل کی جو 2013 سے پاکستانی نژاد کینیڈین اداکارہ و ماڈل کے طور پر کام کر رہی ہیں۔ ان کی یدائش 30 مارچ 1987 کے روز ہوئی تھی۔
اداکارہ ارمینا خان کو پاکستانی سینما کے مشہور ترین ستاروں میں سے ایک سمجھا جاتا ہے۔ لگژری اسٹائل ایوارڈ ہو یا رائٹرز ایوارڈ، اداکارہ ارمینا خان نے اداکاری کے شعبے میں اہم اعزازات اپنے نام کر رکھے ہیں۔
