گوگل نیوز پر ہمیں فالو کریںجماعتِ اسلامی پاکستان کے امیر سراج الحق نے کہا ہے کہ کراچی نے ثابت کردیا کہ قوم قائدِ اعظم کے نظرئیے کے مطابق مظلوم فلسطینیوں کے ساتھ کھڑی ہے۔
سماجی رابطے کی ویب سائٹ ٹوئٹر پر اپنے پیغام میں امیر جماعتِ اسلامی سراج الحق نے کراچی میں مظلوم فلسطینیوں کے حق میں گزشتہ روز کے تاریخی اجتماع کی تصاویر شیئر کرتے ہوئے اہلیانِ کراچی کا شکریہ ادا کیا۔
پیغام میں جماعتِ اسلامی کے امیر سراج الحق نے کہا کہ کراچی کے شہریوں نے امت کی نمائندگی کا حق ادا کردیا۔ مسجدِ اقصیٰ اور غزہ کی محبت میں تاریخ رقم کردی۔ اسلام آباد کے بعد کراچی کے عوام بھی فلسطینیوں کے ساتھ کھڑے ہیں۔
امیر جماعتِ اسلامی نے کہا کہ عوام کی بھرپور شرکت نے ثابت کردیا کہ پاکستانی قوم مسئلۂ فلسطین پر قائدِ اعظم کے ویژن اور نظرئیے کے ساتھ کھڑی ہے۔ 30 مئی کو مظلوم فلسطینیوں کے حق میں پشاور میں تاریخی مارچ ہوگا۔
شکریہ کراچی
آپ نےامت کی نمائندگی کا حق ادا کیا، مسجداقصی اور غزہ کی محبت میں تاریخ رقم کردی
اسلام آباد کےبعد کراچی میں عوام کی بھرپورشرکت نےثابت کیا کہ پاکستانی قوم مسئلہ فلسطین پر قائداعظمؒ کےویژن اور نظریے کےساتھ کھڑی ہے۔ 30مئی کو پشاورمیں تاریخی مارچ ہوگا#PalestineMarch_Pak pic.twitter.com/jxFbsr3KJ6— Siraj ul Haq (@SirajOfficial) May 23, 2021
یاد رہے کہ اِس سے قبل امیر جماعت اسلامی سراج الحق نے عالم اسلام سے دردمندانہ اپیل کی کہ وہ نہتے اور مظلوم فلسطینیوں کو اسرائیلی دہشتگردی سے نجات دلانے کے لیے فیصلہ کن کردار ادا کرے اور تاریخ کے اس اہم موڑ پر اپنے فروعی اختلافات کو پس پشت ڈال دے۔
تیمرہ گرہ دیر پائن میں 6 روز قبل پریس کانفرنس سے خطاب کرتے ہوئے سراج الحق نے سعودی عرب، ایران، ترکی اور پاکستان کے حکمرانوں سے خصوصی اپیل کی کہ وہ غزہ میں محصور لاکھوں بچوں اور بچیوں کی بلبلاہٹ کو سنیں جو آسمان کی طرف منہ کر کے امت مسلمہ کو مدد کے لیے پکا ررہے ہیں۔
مزید پڑھیں: غزہ کربلا کا منظر پیش کر رہاہے اور دنیا تماشا دیکھ رہی ہے، سراج الحق
قبل ازیں امیر جماعت اسلامی پاکستان سراج الحق نے کہا کہ امریکا اور بھارت کھل کر دہشت گرد ریاست اسرائیل کی حمایت کررہے ہیں، مسلم ممالک کو اپنے اختلافات ختم کرکے اسرائیل کے خلاف مشترکہ حکمت عملی اپنانا ہوگی۔
لاہورمیں جماعتِ اسلامی کے مرکز کے مرکز منصورہ سے 7 روز قبل جاری ہونے والے فلسطین کی صورتحال پر بیان میں امیر جماعت اسلامی سراج الحق نے کہا کہ امت مسلمہ کا یک جان ہوکر ظالم کے مقابل کھڑا وقت کی ضرورت ہے۔
مزید پڑھیں: امریکا اور بھارت دہشتگرد ریاست اسرائیل کے کھلے حامی ہیں، سراج الحق
