کراچی پولیس نے خطرناک بین الصوبائی منشیات فروش گروہ گرفتارکرلیا

کراچی :ایس ایس پی ملیرکی سربراہی میں پولیس نےکارروائی کرتے ہوئے منشیات فروش ڈکیت گروہ کے سرغنہ سمیت پانچ ملزمان گرفتارکرلیا۔

پولیس نے انٹیلی جنس اطلاعات پر شاہ لطیف کے علاقے صالح محمد گوٹھ غریب آباد میں چھاپہ مار کارروائی کی۔

ایس ایس پی عرفان بہادر نے دعویٰ  کیا ہے کہ ملزمان کا گروہ سندھ سمیت دیگر صوبوں میں قتل، اقدام قتل، ڈکیتی اور راہزنی کی وارداتوں میں بھی ملوث تھے۔

ملزمان کے قبضے سے دستی کلو سے زائد فائن کوالٹی کی چرس، مختلف اقسام کا غیر قانونی اسلحہ بمعہ ایمونیشن برآمدہوا ہے۔

ملزمان کی نشاندہی پر 20 چوری و چھینی گئی موٹرسائیکلیں بھی تحویل میں لے لی گئیں۔ گرفتار ملزمان کا گروہ دیگر صوبوں سے مختلف اقسام کی منشیات لا کر کراچی میں سپلائی کرتا تھا۔

گرفتار ملزمان کیخلاف اندرون سندھ اور پاکستان کے دیگر صوبوں کے تھانوں میں درج مقدمات کی تفصیلات حاصل کی جا رہی ہیں۔

گرفتار ملزمان کیخلاف کراچی کے مختلف تھانون میں قتل، اقدام قتل اور ڈکیتی سمیت دیگر نوعیت کے درج مقدمات کا ڈیٹا حاصل کر لیا گیا۔

گرفتار ملزمان میں ولی محمد، قلندر بخش، محمد حنیف، صدام حسین اور خدا بخش شامل ہیں۔ ملزمان کیخلاف مقدمہ درج کر لیا گیا ہے۔

ملزمان کو مزید پوچھ گچھ کیلئے تفتیشی حکام کے حوالے کر دیا گیا۔ملزمان سے برآمد اسلحہ فارنزک معائنے کیلئے روانہ کر دیا گیا۔