کراچی، 2منٹ چورنگی پر ڈاکو بینک سے لاکھوں روپے لوٹ کر فرارہوگئے

کراچی: رواں سال کی پہلی بینک ڈکیتی،مسلح ملزمان نے نیو کراچی میں دو منٹ چورنگی کے قریب مصروف ترین مقام پر نجی بینک کا صفایا کردیا۔

بینک میں ڈکیتی کے بعد 4 مسلح ملزمان فرار ہونے میں کامیاب ہوگئے ہیں۔اس ضمن پولیس حکام کا کہنا ہے کہ بینک ڈکیتی کی واردت بلال کالونی تھانے کی حدود میں قائم بینک میں ہوئی ہے۔

تاہم واردت کی اطلاع ملنے کے بعد پولیس کی نفری بینک کی برانچ پر پہنچ گئی۔پولیس کا کہنا ہے کہ ڈاکوؤں نے مزاحمت کر نے پر دو سیکیورٹی گارڈز کو رائفل کا بٹ مار کر زخمی کیا ہے جس میں شیر علی اور خیال محمد شامل ہیں۔

ایس ایس پی سینٹرل کے مطابق وارات کرنے والا نیا گروپ لگتا ہے۔ ملزمان کا 15 پولیس سے مقابلہ بھی ہوا،ملزمان اپنی موٹرسائیکل چھوڑ شہری کی بائیک لے کر فرار ہوگئے۔

پولیس ذرائع کے مطابق بینک کے اندر تین گارڈز موجود تھے،بینک میں موجود گارڈ زکے پاس رپیٹر گن تھی جس کی وجہ سے وہ فائرنگ نہیں کرسکا۔ بینک سے فنگر پرنٹس شواہد جمع کررہے ہیں۔

واقعے کی سی سی ٹی وی فوٹیج کی مدد سے مزید شواہد اکٹھے کیے جائیں گے، جبکہ ڈکیتی کے بعد کی فوٹیج میں ملزمان کو آزادانہ اسلحہ استعمال کرتے ہوئے بھی واضح طور پر دیکھا جاسکتا ہے۔ ملزمان نے پبلک کو قریب آتے دیکھ اسٹریٹ فائر کھول دیا۔