گوگل نیوز پر ہمیں فالو کریںدفترِ خارجہ نے تصدیق کی ہے کہ اُردن کے مغربی علاقے میں آگ لگنے کے باعث کم از کم 13 پاکستانی جاں بحق جبکہ 3 زخمی ہو گئے۔
سرکاری اعلامیے کے مطابق ملک کے مغربی علاقے میں واقع گھر میں آگ لگی جس کے نتیجے میں 7 بچے، 4 خواتین اور 2 مرد جاں بحق ہوئے جبکہ 3 پاکستانی زخمی ہوئے۔
اعلامیے کے مطابق جاں بحق اور زخمی ہونے والے افراد کا تعلق سندھ کے شہر دادو سے ہے جبکہ دفتر خارجہ کے ترجمان ڈاکٹر محمد فیصل نے تصدیق کی ہے کہ زخی ہونے والے 3 افراد کی حالت خطرے سے باہر ہے۔
ترجمان دفترِ خارجہ نے کہا کہ واقعے سے متاثرہ تمام افراد کراما نامی شہر کے رہائشی تھے جو بحرِ مردار سے 40 کلومیٹر دور واقع ہے۔ جاں بحق ہونے والے افراد دادو کے جویا خاندان سے تعلق رکھتے ہیں۔
ڈاکٹر محمد فیصل نے کہا کہ علی شیر جویا نامی جویا خاندان کے سربراہ اِس واقعے میں زندہ بچ گئے جبکہ پاکستان سے ہجرت کرنے والا دادو کا جویا خاندان 1970ء سے اردن میں رہائش پذیر تھا۔
یاد رہے کہ اس سے قبل مغربی اردن میں ایک گھر میں لگنے والی آگ سےسے 8 بچوں سمیت 13 پاکستانی شہری جاں بحق اور 3 شدید زخمی ہوگئے۔
غیر ملکی خبر رساں اداروں کے مطابق یہ افسوس ناک واقعہ گزشتہ روز الکرامہ کے علاقے میں ایک کھیت میں پیش آیا جہاں صبح سویرے ٹین کی چادروں سے بنے گھر میں لگنے والی آگ نے رہائش کے عارضی انتظام کو جلا کر خاکستر کر دیاجس کے نتیجےمیں 13 افراد جاں بحق ہوگئے جن میں 8 بچے اور 4 خواتین شامل تھے۔
مزید پڑھیں: اردن : گھر میں آتشزدگی ، 13پاکستانی جاں بحق ہوگئے
