گوگل نیوز پر ہمیں فالو کریںواشنگٹن: بھارتی وزیر اعظم نریندر مودی کی والدہ کے انتقال پر امریکی صدر جو بائیڈن نے تعزیت کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں صدرِ امریکا جو بائیڈن نے کہا کہ جل بائیڈن اور میں بھارتی وزیر اعظم کی والدہ ہیرابین مودی کے انتقال پر نریندر مودی سے گہرے رنج و غم کا اظہار کرتے ہیں۔
سال 2022 کے دوران 700 داعش دہشت گرد ہلاک
ہیرابین مودی جمعے کے روز مختصر علالت کے باعث انتقال کر گئی تھیں۔ صدر جو بائیڈن نے کہا کہ مشکل کی اس گھڑی میں ہماری دعائیں بھارتی وزیر اعظم نریندر مودی اور ان کے اہلِ خانہ کے ساتھ ہیں۔
Jill and I send our deepest and heartfelt condolences to Prime Minister @narendramodi on the loss of his mother, Heeraben Modi.
Our prayers are with the Prime Minister and his family at this difficult time.
— President Biden (@POTUS) December 30, 2022
خیال رہے کہ بھارتی وزیر اعظم نریندر مودی کی 99سالہ والدہ ہیرابین مودی اپنے چھوٹے بیٹے پنکج مودی کے ہمراہ گجرات میں رائسان نامی گاؤں میں رہائش پذیر تھیں۔ نریندر مودی نے والدہ کے انتقال پر گہرے رنج و غم کا اظہار کیا تھا۔
بھارتی وزیر اعظم نریندر مودی نے اپنے ٹوئٹر پیغام میں کہا کہ ایک شاندار صدی خدا کے قدموں میں اختتام پذیر ہوگئی۔ میں نے ہمیشہ اپنی والدہ میں بے لوث اور اقدار کیلئے عزم کو محسوس کیا ہے۔
نریندر مودی کا کہنا تھا کہ جب میں نے اپنی والدہ سے ان کی سالگرہ پر ملاقات کی تو انہوں نے مجھے عقل سے کام اور صاف ستھرے طریقے سے زندگی گزارنے کی نصیحت کی تھی جو مجھے ہمیشہ یاد رہتی ہے۔
