گوگل نیوز پر ہمیں فالو کریںپاکستان شوبز انڈسٹری کی معروف اداکارہ سجل علی سے ’فلم فیئر مڈل ایسٹ اچیورز نائٹ‘ کے موقع پر طویل عرصے بعد ملاقات ہونے پر جھانوی کپور جذباتی ہوگئیں۔
سوشل میڈیا کے مختلف پیجز پر سجل علی اور جھانوی کپور کی ملاقات کی ایک ویڈیو وائرل ہو رہی ہے۔
اس ویڈیو میں دیکھا جاسکتا ہے کہ ایوارڈز کی تقریب میں جھانوی کپور جیسے ہی سجل علی کو دیکھتی ہیں تو بہت زیادہ جذباتی ہوجاتی ہیں اور ان سے گلے ملتی ہیں۔
یہی نہیں جھانوی کپور نے تقریب میں ایوارڈ وصول کرنے کے بعد اسٹیج پر بھی سجل علی سے طویل عرصے بعد ملاقات ہونے پر خوشی کا اظہار کیا۔
اُنہوں نے کہا کہ میری طویل عرصے کے بعد یہاں سجل علی سے ملاقات ہوئی، اس لیے مجھے یہاں آ کر بہت خوشی ہوئی، اس خوبصورت شام کا بہت شکریہ۔
View this post on Instagram
واضح رہے کہ اداکارہ سجل علی نے جھانوی کپور کی آنجہانی والدہ، اداکارہ سری دیوی کے ساتھ فلم ’موم ‘میں کام کیا تھا۔
بھارتی میڈیا کی ایک رپورٹ کے مطابق سری دیوی کبھی بھی فلم کے سیٹس پر ساتھی اداکاروں کے ساتھ زیادہ گُھلتی ملتی نہیں تھیں لیکن سجل علی کے ساتھ ان کا ایک مختلف قسم کا رشتہ تھا۔
رپورٹ میں یہ بھی بتایا گیا ہے کہ سجل علی کی والدہ کے انتقال کے بعد سری دیوی کا اُن کے ساتھ برتاؤ بالکل اپنی بیٹیوں جیسا تھا۔
