گوگل نیوز پر ہمیں فالو کریںنئی دہلی: کانگریس کے سینئر رہنما جے رام رمیش نے کہا ہے کہ مودی حکومت سچ چھپانے اور ڈرانے کیلئے مافیا بن جاتی ہے۔
تفصیلات کے مطابق بھارتی اپوزیشن جماعت کانگریس کے جنرل انچارج شعبہ مواصلات جے رام رمیش نے اپنے سوشل میڈیا پر جاری پیغام میں کہا کہ مودی حکومت سچ دبانے اور ڈرانے کیلئے مافیا کی طرح کام کرتی ہے۔
سوشل میڈیا پیغام میں جے رام رمیش نے کہا کہ اگر کوئی مودی حکومت کی بدعنوانیاں بے نقاب کرتا ہے تو مودی حکومت اسے ڈراتی ہے یا عہدے سے ہٹا دیتی ہے۔ آیشمان بھارت اور دوارکا ایکسپریس اسکینڈلز کی رپورٹنگ پر 3 افسران کا تبادلہ ہوا۔
پیغام میں اپوزیشن رہنما جے رام رمیش نے کہا کہ افسروں کا تبادلہ مودی حکومت کی بدعنوانی چھپانے کیلئے کیا گیا۔ مودی کا تازہ ترین شکار آڈیٹر جنرل (سی اے جی) کے 3اہلکار ہیں جنہوں نے بڑی بدعنوانی کا راز فاش کردیا۔
मोदी सरकार सच को छुपाने और डराने-धमकाने के लिए माफ़िया की तरह काम करती है। यदि कोई उसके भ्रष्टाचार के तौर-तरीकों को सामने लाता है, तो या तो उन्हें धमकी दी जाती है या हटा दिया जाता है। उसके ताज़ा शिकार नियंत्रक एवं महालेखा परीक्षक (CAG) के तीन अधिकारी हैं, जिन्होंने संसद के मानसून… https://t.co/IKyoHPaXvT
— Jairam Ramesh (@Jairam_Ramesh) October 11, 2023
کانگریس رہنما جے رام رمیش نے کہا کہ سی اے جی کی رپورٹ نے بنیادی انفراسٹرکچر اور سماجی اسکیموں میں بدعنوانی بے نقاب کی۔رپورٹ میں دوارکا ایکسپریس وے کی لاگت میں 1400فیصد اضافے اورٹینڈرز میں بھی دھاندلی کا انکشاف ہوا۔
اپوزیشن رہنما نے کہا کہ رپورٹ میں بھارت ماں اسکیم کی لاگت میں 60فیصد اضافے کا بھی انکشاف ہوا۔ آیشمان بھارت اسکیم کے آڈٹ میں ہلاک شدہ مریضوں کے لاکھوں کے دعوے اور کم از کم 5.7لاکھ مستفید افراد کا تعلق ایک ہی موبائل فون نمبر سے تھا۔
