گوگل نیوز پر ہمیں فالو کریںپاکستان کی مشہور ٹک ٹاکر اسٹار جنت مرزا نے انکشاف کیا ہے کہ انہوں نے دو مشہور پاکستانی ڈراموں میں کام کرنے کی پیشکش ٹھکرائی تھی۔
حال ہی میں ٹک ٹاکر اسٹار ایک ٹی وی شو میں شریک ہوئیں جس میں انہوں نے انکشاف کیا کہ انھیں ڈرامہ سیریل ہم کہاں کے سچے تھے میں کبریٰ خان اور پری زاد میں اشنا شاہ کا کردار کرنے کی آفر ہوئی تھی لیکن اس وقت میں نے بیرون ملک ہونے کی وجہ سے معذرت کرلی تھی۔
جنت مرزا نے بتایا کہ مجھے کہا گیا کہ آپ کو آڈیشن کے لیے پاکستان آنا پڑے گا، لیکن میں نہیں آئی جس کا اب مجھے افسوس ہے کہ کاش میں اس وقت پاکستان میں ہوتی۔
ٹک ٹاکر نے کہا کہ کبریٰ خان اور اشنا شاہ دونوں اس شعبے میں طویل عرصے سے کام کر رہی ہیں اور دونوں ڈرامے بہت اچھے تھے لیکن اگر میں کوشش کرتی تو شاید ناظرین کو میری اداکاری بھی پسند آتی۔
ان کا مزید کہنا تھا کہ میرے پاس مختلف ڈراموں کے اسکرپٹس موجود ہیں جنہیں فائنل کرنے والی ہوں، مداح جلد مجھے ڈراموں میں کام کرتے ہوئے دیکھ سکیں گے۔
