گوگل نیوز پر ہمیں فالو کریںپاکستان کی مشہورومعروف اداکارہ جنت مرزا نے حال ہی میں انکشاف کیا ہے کہ ان کی بات پکی ہوچکی ہے جو مبینہ طور پر معروف ٹک ٹاکر عمر بٹ سے شادی کیلئے تیار ہیں۔
قبل ازیں ایک سوشل میڈیا صارف کے سوال پر جنت مرزا نے بات پکی لکھ کر منگنی کی تصدیق کی جبکہ خاندانی ذرائع کا دعویٰ ہے کہ جنت مرزا معروف ٹک ٹاکر عمر بٹ سے منگنی کرچکی ہیں اور شادی کیلئے تیار ہیں۔
انسٹا گرام پر جنت مرزا کے 1 کروڑ 50 لاکھ فالوورز موجود ہیں اور جنت مرزا لپ سنگنگ کے علاوہ پیروڈی کرکے بھی مداحوں کی توجہ حاصل کرتی ہیں جس کے نتیجے میں انہیں ماڈلنگ اور اداکاری کی پیشکش ہوئی۔
قبل ازیں اداکارہ جنت مرزا نے انکشاف کیا تھا کہ وہ نفسیاتی مسائل کا شکار رہی ہیں اور معاملہ خودکشی تک پہنچ گیا تھا تاہم پھر انہوں نے اپنے آپ کو سنبھال لیا۔معروف اداکارہ نے ایسے مسائل کیلئے عوام کو بھی نفسیاتی معالج سے رجوع کا مشورہ دیا۔
جنت مرزا نے کہا کہ اگر آپ نفسیاتی مسائل کا شکار ہیں تو شرمائے بغیر معالج سے رجوع کریں۔ آپ یا کوئی اور شخص جو زندگی کے مشکل وقت میں نفسیاتی مسائل کا شکار ہو، معالج سے رجوع کرکے علاج آسانی سے حاصل کرسکتا ہے۔
یاد رہے کہ اِس سے قبل انتہائی کم وقت میں شہرت کی بلندیوں کو چھونے والی مشہور ٹِک ٹِک اسٹار جنت مرزا نے اپنی ذہنی صحت کے بارے میں حیران کن انکشافات کیے۔
جنت میرزا نے اپنی زندگی کا خاتمہ کرنے کی خواہش کے ساتھ اپنی جدوجہد کے بارے میں بتایا کہ میں بہت منفی جذبات سے گزری ہوں اور اپنے آپ کو ختم کرنے کاسوچ رہی تھی۔
مزید پڑھیں: ٹک ٹاک اسٹارجنت مرزا مایوسی کا شکار، خودکشی کا سوچنا شروع کردیا
