حکومت نے اپنی ناکامیاں چھپانے کیلئے گرینڈ ڈائیلاگ کا آئیڈیا پیش کیا،فرخ حبیب

اسلام آباد: پاکستان تحریک انصاف (پی ٹی آئی) نے اتوار کے روز وزیر اعظم شہباز شریف کی ملک کے تمام اسٹیک ہولڈرز کو ”گرینڈ ڈائیلاگ“ کی پیشکش کو مسترد کرتے ہوئے کہا کہ یہ سب ناکامیوں کو چھپانے کے لیے ہے۔

پی ٹی آئی کے مرکزی سیکرٹری اطلاعات فرخ حبیب نے ایک ویڈیو بیان میں کہا کہ موجودہ حکومت کی جانب سے اپنی ناکامیوں کو چھپانے کے ساتھ ساتھ آنے والے پہلے 50 دنوں میں ملک میں جو بدترین مہنگائی آئی ہے اس پر پردہ ڈالنے کے لئے گرینڈ ڈائیلاگ کا آئیڈیا پیش کیا گیا ہے۔

فرخ حبیب نے کہا، ”غریب عوام کے لیے مسائل کھڑے کرنے والوں نے ملک میں سیاسی اور معاشی انتشار کی بنیاد ڈالی ہے،” انہوں نے مزید کہا کہ موجودہ حکومت تیل، اور بجلی کی قیمتوں میں اضافہ کر کے معیشت کو ٹھیک کرنے کے ”مضحکہ خیز دعوے” کر رہی ہے۔

پی ٹی آئی رہنما نے الزام لگایا کہ ”ان کے عظیم مکالمے کا اصل فائدہ صحت، معیشت اور تعلیم کو نہیں بلکہ مقصود چپراسی کو ہوگا“۔

مزید پڑھیں:تحریک انصاف کا لانگ مارچ کی تاریخ بجٹ کے بعد طے کرنے کا فیصلہ

اس سے قبل آج، وزیر اعظم شہباز نے ریمارکس دیئے تھے کہ پاکستان کو فوری طور پر ایک عظیم الشان مکالمے کی ضرورت ہے، اس بات پر زور دیتے ہوئے کہ ”ہمیں اپنی ذات اور اپنی ذاتی پسند و ناپسند سے بالاتر ہو کر سوچنا چاہیے” اور قوم کی ترقی اور خوشحالی کو اولین ترجیح دینی چاہیے۔