گوگل نیوز پر ہمیں فالو کریںاسرائیلی اداروں نے کھل کر ایران کی حمایت کرنے پر پاکستان کے خلاف منظم پروپیگنڈے کا آغاز کردیا ہے۔
معروف صحافی اور مشرق وسطی کے امور کے ماہر پاکستانی تجزیہ کار علی ہلال نے رپورٹ کیا ہے کہ اسرائیل کی عبرانی اور عربی زبان کے صحافیوں، رائٹرز، اینکرز اور سوشل میڈیا ایکٹوسٹس نے پاکستان کے خلاف ایک منظم شرانگیز مہم شروع کرتے ہوئے الزام عائد کردیا ہے کہ پاکستان ایران کو میزائل اور ایٹمی ہتھیار فراہم کر رہاہے۔
اس شرانگیز مہم میں یہ بھی کہا گیا ہے کہ پاکستان نے فرانس اور برطانیہ کو اسرائیل کا ساتھ دینے پر ایٹمی دھماکوں کی دھمکی دے رکھی ہے۔
علی ہلال کے مطابق شرانگیز گمراہ کن مہم کے شراکت داروں نے اسرائیلی حکومت سے پاکستان کے خلاف پروایکٹیو اقدامات کا مطالبہ کیا ہے کہ اسرائیل کو فوری طور پر پاکستان کے میزائل ذخائر پر حملے کرنے چاہئیں۔ نیز ایران کے ساتھ پاکستانی سرحد کو فضائی اور زمینی کنٹرول میں لیا جائے۔
