گوگل نیوز پر ہمیں فالو کریںوفاقی دارالحکومت میں اسلام آباد پولیس نے انوکھی کارروائی کرتے ہوئے سابق رکنِ قومی اسمبلی انجم عقیل کے خلاف 2 مقدمات درج کر لیے ہیں۔
تفصیلات کے مطابق ن لیگ سے تعلق رکھنے والے رکنِ قومی اسمبلی انجم عقیل برطانیہ میں زیرِ علاج ہیں جن کے خلاف غیر موجودگی میں سنگین الزامات کے تحت 2 مقدمات درج کیے گئے۔
اسلام آباد کے تھانہ بارہ کہو میں 2 مختلف درخواستوں پر 22 اکتوبر کو 1 ہی روز دو مقدمات درج کیے گئے جن میں زمین پر قبضہ کرنے کی کوشش، فائرنگ اور اغواء جیسے سنگین الزامات لگائے گئے۔
مقدمات میں سابق رکنِ اسمبلی کے بھائی نائب تحصیلدار اعظم خان بھی مشترکہ طور پر نامزد ملزم ہیں جبکہ انجم عقیل 20 اکتوبر سے لندن میں موجود ہیں۔ ایس پی سٹی نے معاملے پر مؤقف دینے سے انکار کردیا ہے۔
یہ بھی پڑھیں: پشاور دھماکے پر آئی جی سندھ متحرک، پولیس کو الرٹ رہنے کا حکم
