گوگل نیوز پر ہمیں فالو کریںاسلام آباد: وفاقی تحقیقاتی ایجنسی (ایف آئی اے) نے آئیسکو بوگس میٹرز اسکینڈل کیس میں گرفتار 4 ملزمان کا 3 روزہ جسمانی ریمانڈ حاصل کر لیا ہے۔
منگل کے روز جوڈیشل مجسٹریٹ ارم عزیز کی عدالت میں ایف آئی اے نے آئیسکو بوگس میٹرز اسکینڈل کے گرفتار 4 لائن سپریٹنڈنٹس نجم الثاقب، وقاص رضا، شہزاد اور رجب کو پیش کیا اور بتایا کہ ملزمان نے جرم کا اعتراف کر لیا ہے۔
بوگس میٹرز کے ذریعے 45 لاکھ سے زائد کی بجلی چوری کروائی گئی ہے میٹرز ریکارڈ اور بلنگ کے بغیر منظور نظر کو لگا کر دیے گئے۔
ایف آئی اے کے مطابق تین ملزمان ابھی گرفتار نہیں ہوئے ان کی گرفتاری کے لیےچھاپے مارے جا رہے ہیں لہذا گرفتار ملزمان سے ریکوری کے لیے پانچ دن کا جسمانی ریمانڈ دیا جائے۔
عدالت نے استدعا منظور کرتے ہوئے ملزمان کو تین روزہ جسمانی ریمانڈ پر ایف آئی اے کے حوالے کر دیا ہے تین دن بعد دوبارہ عدالت میں پیش کیا جائے گا۔
یہ بھی پڑھیں : طالبان نے افغان شہریوں کے انخلاء پر پابندی لگا دی، کابل ایئرپورٹ بند
