کیا ایلون مسک مانچسٹر یونائیٹڈ خریدنے والے ہیں؟

 واشنگٹن: دنیا کے امیر ترین انسان ٹیسلا اور اسپیس ایکس کے بانی ایلون مسک نے ایک بار پھر متنازع ٹوئٹ کرتے ہوئے مانچسٹر یونائیٹڈ کو خریدنے کا عندیہ دیا ہے۔

غیر ملکی میڈیا کی رپورٹ کے مطابق ایلون مسک نے مانچسٹر یونائیٹڈ کو خریدنے کا بیان دیا تاہم اس کی تفصیلات ظاہر نہیں کیں۔

واضح رہے کہ ٹیسلا کے بانی ایلون مسک ٹوئٹر پر کافی متحرک رہتے ہیں اور اپنی ٹوئٹس کے باعث شہرت بھی رکھتے ہیں، تاہم مسک حقیقت میں دنیا کے بڑے فٹبال کلب کو خریدنے کا کوئی منصوبہ رکھتے ہیں یہ ابھی تک واضح نہیں۔

یہ بھی پڑھیں:

ویٹ لفٹر، گولڈ میڈلسٹ نوح دستگیرکا وطن واپسی پر شاندار استقبال

دوسری جانب ایلون مسک کے بیان کے بعد مانچسٹر یونائیٹڈ کے مداحوں نے سوشل میڈیا پر کلب کی ملکیت بدلنے پر غصے کا اظہار کیا ہے جبکہ کئی صارفین اس خیال کو پسند کررہے ہیں۔

علاوہ ازیں ایلون مسک نے اس قسم کی تمام خبروں کی تردید کی ہے، انہوں نے کہا کہ مانچسٹر یونائیٹڈ خریدنے کا ٹوئٹ محض ایک مذاق تھا، میں کوئی کھیلوں کی ٹیمیں نہیں خرید رہا۔