گوگل نیوز پر ہمیں فالو کریںایرانی حکومت نے یوکرین کے مسافر طیارے کو مار گرائے جانے کے واقعے میں ملوث افرادکو گرفتار کر لیاہے۔
ایرانی عدالت کے ترجمان غلام حسین اسماعیلی کی جانب سے جاری بیان میں کہا گیا ہے کہ یوکرین طیارہ تباہ ہونے کے واقعے کی وسیع تر تحقیقات کی گئیں اور چند افراد کو گرفتار کیا گیا ہے۔
ان کا کہنا تھا کہ عدالتی ٹیموں نے جگہ کا معائنہ کیا اور شواہد اکھٹے کیے، تاہم کتنے افراد کی گرفتاری عمل میں آئی اس حوالے سے تفصیلات نہیں بتائی گئیں۔
اس سے قبل ایرانی صدر حسن روحانی نے یوکرین کا طیارہ مار گرانے کے حادثے کی تحقیقات کے لیے خصوصی عدالت کے قیام کا مطالبہ کرتے ہوئے کہا تھا کہ واقعے میں ملوث تمام افراد کو سزا دی جائے گی،یہ کوئی عام معاملہ نہیں، تمام دنیا کی نظریں اس عدالت پر مرکوز ہوں گی۔
صدر حسن روحانی نے اس واقعے کو دردناک اور ناقابل معافی غلطی قرار دیتے ہوئے کہا کہ ہمارے لوگوں کے لیے یہ انتہائی ضروری ہے کہ اس واقعہ میں جس کی کوتاہی ہے اس کو انصاف کے کٹہرے میں لایا جائے۔
یہ بھی پڑھیں: ایران نے یوکرین طیارہ حادثے کے متاثرین کو ادائیگی پر رضا مندی ظاہر کردی
