اقرا اور یاسر کی دھوم دھام سے شادی کے بعد ولیمے کی تقریب سادگی سے انجام پائی

کراچی :معروف اداکاروں اقرا عزیز اور یاسر حسین نے دھوم دھام سے شادی کے بعد ولیمے کی تقریب نہایت سادگی سے انجام دی، ولیمے کا کھانا مستحق افراد میں تقسیم کیا گیا۔

اقرا عزیز اور یاسر حسین 28 دسمبر کو رشتہ ازدواج میں منسلک ہوئے تھے۔اقرا کی بہن سدرہ عزیز نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ ولیمے کی تقریب گھر پر منعقد ہوئی جس میں خاندان کے قریبی افراد اور چند دوستوں نے شرکت کی۔

سدرہ کے مطابق دونوں نے اپنے ولیمے کا کھانا مستحق افراد میں تقسیم کیا۔شادی کے اگلے روز یاسر حسین نے انسٹاگرام پر ایک طویل پوسٹ میں لکھا تھا کہ انہوں نے اپنی شادی نہایت سادگی سے انجام دی۔

یاسر نے لکھا تھا کہ ہم نے ایک دوسرے کے گھر والوں کو کوئی غیر ضروری تحفے نہیں دئیے، جہیز نہیں لیا، بری نہیں بنی۔ فضول زیورات پر پیسے خرچ نہیں کیے۔

مزید پڑھیں:ٹک ٹاک اسٹارز حریم شاہ اوراور صندل خٹک کے اصل نام سامنے آگئے

نکاح خواں کے 8000 اور کھانا حسب استطاعت، شادی بس یہی ہے، اپنے گھر والوں پر رحم کریں اور شادی کو آسان بنائیں۔انہوں نے یہ بھی لکھا کہ وہ اپنے گھر میں ہی شادی کرنا چاہتے تھے تاہم جگہ کم ہونے کی وجہ سے تقریب باہر منتقل کرنی پڑی۔

اداکار یاسر حسین نے شادی کے روز کی اقرا کا ہاتھ تھامے ایک تصویر شیئر کی اور لکھا ہے کہ شادی اتنی مشکل نہیں ہے جتنی ہم نے بنا دی ہے۔

میڈیا رپورٹ کے مطابق یاسر نے یہ بھی بتایا کہ انہوں نے ایک دوسرے کی فیملی کو کوئی غیر ضروری تحفے تحائف دینے سے گریز کیا، جہیز نہیں لیا، بَری نہیں بنائی اور نہ ہی فضول زیورات پر پیسے خرچ کئے۔