اداکار عمران ہاشمی نے بالی ووڈ فلم انڈسٹری کو ‘مصنوعی’ قرار دے دیا

ممبئی: بالی ووڈ میں بولڈ کردار ادا کرنے والے اداکار عمران ہاشمی کا کہنا ہے کہ بالی ووڈ ایک فیک انڈسٹری ہے۔

بالی ووڈ انڈسٹری میں 20 سال گزارنے والے اداکار عمران ہاشمی سے شوبز انڈسٹری سے متعلق جب پوچھا گیا تو ان کا کہنا تھا کہ بالی ووڈ کی حقیقت یہ ہی ہے کہ وہ ایک فیک انڈسٹری ہے اور کچھ نہیں۔

اداکار نے کہا کہ وہ اپنا وقت شوٹنگ کے علاوہ بالی ووڈ کی کسی بھی سرگرمی میں گزارنا پسند نہیں کرتے بلکہ وہ اپنا زیادہ وقت اپنے پرانے دوستوں کے ساتھ  گزارنے کو ترجیح دیتے ہیں جن کا بالی ووڈ انڈسٹری سے کوئی تعلق نہیں۔

اداکار نے کہا کہ وہ بالی ووڈ کی سرگرمیوں سے خود کو دور رکھتے ہیں اسی لیے وہ انڈسٹری کو لے کرکسی بھی ذہنی دباؤ کا شکار نہیں۔ اداکارنے کہا کہ کسی بھی انسان کی زندگی میں اپنے پروفیشن کے علاوہ بھی سرگرمیاں ہونی چاہیے۔