بغداد، پولیس اور مظاہرین میں خون ریز جھڑپیں، براہ راست فائرنگ

بغداد :عراق کے دارالحکومت بغداد میں پولیس اور مظاہرین کے درمیان خون ریز جھڑپیں ہوئی ہیں جس کے نتیجے میں کئی افراد زخمی ہو گئے۔

غیر ملکی میڈیا رپورٹ کے مطابق گزشتہ روز عراق کے دارالحکومت بغداد کے وسط میں الوثبہ اسکوائرمیں پولیس نے مظاہرین کو منتشر کرنے کیلئے ان پر براہ راست فائرنگ کی اور آنسوگیس کی شیلنگ کی گئی۔

سیکیورٹی ذرائع کا کہنا ہے کہ الوثبہ اسکوائر میں پولیس کی طرف سے کی گئی آنسوگیس کی شیلنگ کے نتیجے میں کئی افراد دم گھٹنے سے بے ہوش ہوگئے۔

یہ بھی پڑھیں: ایران اور امریکا کے درمیان قیدیوں کا تبادلہ، دونوں اطراف سے ایک ایک قیدی رہا

مقامی ذرائع کے مطابق الوثبہ اسکوائر کے قریب شہری کے دفاع کے مرکز کے سامنے مظاہرین نے ٹائر جلا کر احتجاج کیا جب کہ پولیس کی طرف سے مظاہرین کو منتشر کرنے کیلئے اشک آور گیس کی شیلنگ کی گئی۔خیال رہے کہ عراق میں اکتوبر سے جاری احتجاجی مظاہروں کے دوران اب تک 400 سے زائد افراد ہلاک اور سینکڑوں کی تعداد میں زخمی ہوچکے ہیں۔