گوگل نیوز پر ہمیں فالو کریںاسلام آباد: ملک بھر میں مہنگائی کی شرح میں مزید 0.29 فیصد کا اضافہ ہوگیا جبکہ ملک بھر میں مجموعی شرح 29.4 فیصد ریکارڈ کی گئی۔
وفاقی ادارہ شماریات کی رپورٹ میں کہا گیا ہے کہ ایک ہفتے کے دوران ٹماٹر کی فی کلو قیمت میں 48 روپے 45 پیسے کا اضافہ ہوا،ٹماٹر، پیاز، چینی سمیت 17 اشیائے ضروریہ کی قیمتوں میں اضافہ ہوا۔
حالیہ ہفتے کے دوران پیاز 12 روپے 69 پیسے فی کلو مہنگی ہوگئی، جبکہ چینی کی فی کلو قیمت میں 57 پیسے کا اضافہ ہوا، فی کلو قیمت 87.68 روپے ریکارڈ کی گئی،14 اشیاء کی قیمتوں میں کمی ہوئی اور 20 اشیاء کی قیمتوں میں استحکام رہا۔
مزید پڑھیں:ملک میں سونا مہنگا اور چاندی کی قیمت میں مزید کمی واقع ہوگئی
ملک بھر میں آلو کی فی کلو قیمت میں تین روپے 47 پیسے کی کمی ہوئی،حالیہ ہفتے کے دوران انڈے فی درجن 1 روپے 38 پیسے مہنگے ہوئے۔
