گوگل نیوز پر ہمیں فالو کریںممبئی: پاکستان کرکٹ ٹیم کے وکٹ کیپر بیٹر محمد رضوان کا آئی سی سی ورلڈ کپ میں سری لنکا کیخلاف شاندار جیت فلسطینیوں کے نام کرنا بھارتی صحافی کو پسند نہ آیا۔
حیدر آباد کے راجیو گاندھی کرکٹ اسٹیڈیم میں ورلڈکپ کے میچ میں پاکستان نے سری لنکا کی جانب سے دیا گیا 345 رنز کا ہدف 4 وکٹوں کے نقصان پر 10 گیند قبل پورا کیا، عبد اللہ شفیق اور محمد رضوان نے شاندار سنچریاں اسکورکیں اور محمد رضوان کو 131 رنز کی ناقابل شکست اننگز کھیلنے پر میچ کا بہترین کھلاڑی قرار دیا گیا۔
سری لنکا کیخلاف میچ کے بعد محمد رضوان نے سماجی رابطے کی ویب سائٹ پر ایک بیان جاری کیا جس میں انہوں نے لکھا یہ جیت غزہ میں موجود ہمارے بہن بھائیوں کیلئے ہے، ساتھ میں انہوں نے دعا والا ایموجی بھی بنایا۔
This was for our brothers and sisters in Gaza. ????????
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.
— Muhammad Rizwan (@iMRizwanPak) October 11, 2023
وکٹ کیپر بیٹر نے اپنی پوسٹ میں لکھا کہ جیت میں اپنا حصہ ملانے پر خوشی ہے لیکن جیت کا کریڈٹ پوری ٹیم کو جاتا ہے، خاص طور پر عبد اللہ شفیق اور حسن علی جنہوں نے قومی ٹیم کی جیت کو آسان بنایا۔
تاہم، محمد رضوان کا جیت غزہ کے بہن بھائیوں کے نام کرنا بھارتی اسپورٹس جرنلسٹ وکرانت گپتا کو بالکل پسند نہیں آیا اور انہوں نے آئی سی سی سے محمد رضوان کی شکایت کردی۔
Is this allowed @ICC ? I remember Dhoni was asked to remove the Army insignia from his gloves during the World Cup 2019
Aren’t cricketers prohibited from making political and religious statements during ICC events? https://t.co/3k5uKf4mXH— Vikrant Gupta (@vikrantgupta73) October 11, 2023
وکرانت گپتا نے سوشل میڈیا پر رضوان کے بیان کو شیئر کرتے ہوئے لکھا کہ کیا کرکٹرز کو آئی سی سی ایونٹس کے دوران سیاسی اور مذہبی بیانات دینے پر پابندی نہیں؟، مجھے یاد ہے کہ 2019 کے ورلڈکپ کے دوران مہندرا سنگھ دھونی کو اپنے دستانے سے آرمی کا نشان ہٹانے کو کہا گیا تھا، انہوں نے آئی سی سی سے سوال کیا کہ کیا رضوان کے اس عمل کی اجازت ہے؟۔
