بھارتی گلوکار بی پراک پاکستان کے ننھے گلوکار کی آواز کے مداح نکلے

بھارتی گلوکار بی پراک نے سوشل میڈیا پر مشہور ہونے والے پاکستان کے ننھے گلوکار عرشمان نعیم کی آواز کی تعریف کی ہے۔

تفصیلات کے مطابق عرشمان نعیم کا تعلق پنجاب کے شہر اوکاڑہ سے ہے  جس نے بھارتی گلوکار بی پراک کے گیت من بھریا کو گا کر سوشل میڈیا پر شہرت حاصل کی اور متعدد سوشل میڈیا صارفین نے ان کی آواز کو سراہا۔

یہ بھی پڑھیں:

سارہ علی خان کا پاکستانی ڈیزائنر کے جوڑے میں فوٹو شوٹ وائرل

اپنے سوشل میڈیا اکاؤنٹ سے عرشمان نعیم کو مخاطب کرتے ہوئے بھارتی گلوکار کا کہنا تھا کہ عرشمان کی آواز بہت ہی کمال کی ہے، یہ قسم کھا کر کہہ سکتا ہوں ، آپ کی خوبصورت آواز کے باعث آپ کا مستقبل تابناک ہوگا۔