بھارت میں بجلی کی عدم دستیابی پر احتجاج کرنے والے مظاہرین پر پولیس نے فائرنگ کردی جس سے 2 مسلمان نوجوان جاں بحق ہوگئے۔

یہ واقعہ بھارتی ریاست بہار کے شہر  کٹیہار میں پیش آیا جہاں بجلی کی عدم دستیابی پر عوام کی جانب سے مظاہرہ کیا جارہا تھا۔

پولیس نے مظاہرین کو منتشر کرنے کیلئے ان پر فائرنگ کردی  جس سے 2 مسلمان نوجوان جاں بحق ہوگئے جبکہ 5 زخمی بھی ہوئے۔

یہ بھی پڑھیں:

 پولیس گردی کی ویڈیو سوشل میڈیا پر وائرل ہوگئی جس پر کٹیہار پولیس نے واقعے کی ذمہ داری مظاہرین پر ڈال دی  اور کہا کہ مشتعل ہجوم نے املاک کو نقصان پہنچایا اور پولیس پر حملہ کیا جس پر پولیس نے جوابی کارروائی کی۔

جاں بحق ہونے ہونے والوں میں 34 سالہ خورشید عالم اور 22 سالہ سونو شاہ شامل ہیں، ہلاک ہونے والوں کے سینے اور سر میں گولیاں لگی ہیں، واقعے کی ویڈیوز سوشل میڈیا پر آنے پر پولیس کے اعلیٰ افسران نے تحقیقات کا حکم دے دیا۔