انٹربینک مارکیٹ میں پاکستانی روپے کے مقابلے میں امریکی ڈالرکی قیمت میں اضافہ

کراچی :انٹربینک مارکیٹ میں پاکستانی روپے کے مقابلے میں امریکی ڈالرکی قیمت میں مزید5پیسے کا اضافہ جبکہ اوپن مارکیٹ میں ڈالر کی قیمت میں استحکام رہا۔

فاریکس ایسوسی ایشن آف پاکستان کے جاری کردہ اعدادوشمار کے مطابق منگل کوانٹربینک مارکیٹ میں روپے کے مقابلے میں امریکی ڈالرکی قیمت میں5 پیسے کامزیداضافہ ریکارڈ کیا گیا،جس کے نتیجے میں امریکی ڈالر کی قیمت خرید155.45روپے سے بڑھ کر155.50روپے اورقیمت فروخت155.55روپے سے بڑھ کر155.60روپے ہوگئی۔

اوپن مارکیٹ میں بھی امریکی ڈالرکی قیمت میں استحکام رہا،جس کے نتیجے میں امریکی ڈالر کی قیمت خرید155.20روپے اورقیمت فروخت155.50روپے پرمستحکم رہی۔

مزید پڑھیں :حکومت کے مؤثر اقدامات سے ملک کی معیشت کو سہارا ملا، مشیر خزانہ حفیظ شیخ

یوروکی قیمت میں30پیسے کی کمی جبکہ برطانوی پائونڈ کی قیمت میں استحکام رہا،جس کے نتیجے میں باالترتیب یوروکی قیمت خرید170.80روپے سے کم ہو کر170.50 روپے اورقیمت فروخت172.30روپے سے کم ہوکر172.00روپے جبکہ برطانوی پائونڈکی قیمت خرید198.50روپے200.00روپے پرمستحکم رہی۔

فاریکس رپورٹ کے مطابق سعودی ریال کی قیمت خریدمیں5پیسے کمی اور قیمت فروخت میںاستحکام جبکہ یواے ای درہم کی قیمت خرید میں بھی 5پیسے کی کمی اورقیمت فروخت میں استحکام رہا،جس کے نتیجے میں باالترتیب سعودی ریال کی قیمت خرید41.25روپے سے گھٹ کر41.20روپے اورقیمت فروخت41.50روپے پرمستحکم رہا۔

یواے ای درہم کی قیمت خرید42.25روپے سے گھٹ کر42.20روپے اورقیمت فروخت42.50روپے پر مستحکم رہی۔منگل کوچینی یوآن کی قیمت میں استحکام رہا،جس کے نتیجے میں چینی یوآن کی قیمت خرید21.80روپے اور قیمت فروخت23.00روپے پرمستحکم رہی۔