لاہور میں لڑکی کا انوکھا اظہارِ محبت، سڑک پر اشتہار چلوادیے

لوگ الگ الگ طریقوں سے محبت کا اظہار کرتے ہیں، اکثر لوگ تو محبت کے اظہار  کے لیے نت نئے انداز اپناتے ہیں لیکن اس اظہار میں اکثریت لڑکوں کی ہوتی ہے جبکہ اس بار ایک لڑکی نے محبت کا اظہار منفرد انداز میں کرکے سب کو حیران کردیا ہے۔

لاہور کے رہائشی حال ہی میں ایک سڑک پر لگے اسٹیمرز پر ڈیجیٹل طرز پر پروپوزل دیکھ کر لوگ حیران رہ گئے، جبکہ سوشل میڈیا پر بھی صارفین کی جانب حیرانگی کا اظہار کیا جارہا ہے۔

فرمایا؛
“دس سال پہلے تمہارے نام کا دیا جلایا تھا میں نے، اور اسے آج تک بجھنے نہیں دیا۔۔۔۔۔”
اب بتاؤ سر عام شادی کے سندیس کا جواب “ہاں” کی صورت میں سر عام ہی دو گے ناں۔۔۔؟؟ https://t.co/ERd85ElTw2

— Ajmal Jami (@ajmaljami) August 18, 2022

اسٹیمرز پر کسی نامعلوم لڑکی کی جانب سے فیصل عمران نامی شخص سے زندگی بھر ساتھ نبھانے کی رضامندی پوچھی گئی تھی جس پر تحریر تھا کہ کیا تم ہمیشہ میرے رہو گے؟

لیکن یہ تاحال واضح نہیں ہوسکا ہے کہ فیصل عمران کون ہے اور نہ یہ معلوم ہوا کہ یہ اشتہار کس کی جانب سے چلوایا گیا البتہ ان دنوں یہ سوشل  میڈیا پرخوب وائرل ہورہا ہے۔