گوگل نیوز پر ہمیں فالو کریںکراچی: پی آئی اے کی 2023ء کی جاری مالی رپورٹ کے مطابق 6 ماہ میں پی آئی اے کے نقصانات 60 ارب 71 کروڑ روپے سے تجاوز کرگئے۔
جاری کردہ رپورٹ کے مطابق سال 22 کے پہلے 6 ماہ میں پی آئی اے کے نقصانات 41.31 ارب روپے تھے، سال 23 کے پہلے 6 ماہ میں روپے کی قدر میں کمی سے 27.45 ارب روپے کے نقصانات ہوئے، سال 22 کے پہلے 6 ماہ میں ایکسچینج کے نقصانات 13.85 ارب روپے تھے۔
رپوٹ میں مزید بتایا گیا کہ سال 23 کے پہلے 6 ماہ میں فیول اور آئل کی مد میں 48.34 ارب روپے خرچ ہوئے، سال 22 کے پہلے 6 ماہ میں فیول اور آئل کی مد میں 30.78 ارب روپے خرچ ہوئے تھے، سال 23 کے پہلے چھ ماہ میں فنانس کی لاگت 36.82 ارب روپے رہی، سال 22 کے پہلے 6 ماہ میں فنانس کی لاگت 21.11 ارب روپے تھی۔
ہانگ کانگ کی کرپٹو کرنسی فرم کو 200 ملین ڈالر کا نقصان
رپورٹ کے مطابق سال 23 کے پہلے 6 ماہ میں مجموعی ریونیو120ارب 27 کروڑ روپے جمع ہوا، گزشتہ سال کے 6 ماہ کے مقابلے سال23 کے پہلے 6 ماہ میں 11.25 ارب روپے کے اضافی ریونیو حاصل ہوئے، سال 22 کے پہلے6 ماہ میں ریونیو کی مد میں 71.19 ارب روپے جمع ہوئے تھے۔
رپورٹ میں بتایا گیا کہ آپریشنل کاسٹ میں فیول اور آئل کی قیمت بڑھنے سے41 فیصد اخراجات میں اضافہ ہوا، شرح سود بڑھنے کی وجہ سے 20 فیصد اضافی ادائیگیاں کرنا پڑیں۔
