گوگل نیوز پر ہمیں فالو کریںلاہور: چیئرمین پی ٹی آئی اور سابق وزیراعظم عمران خان کا کہنا ہے کہ کینسر کے مریض فردوس شمیم نقوی کو زندان میں ڈال کر اہلِ اقتدار نے ظاہر کیا ہے وہ کس قدر پستی کا شکار ہوچکے ہیں۔
عمران خان کا تحریک انصاف کراچی کے رہنما فردوس شمیم نقوی کی گرفتار ی پر سماجی رابطے کی ویب سائٹ ٹوئٹر پر رد عمل دیتے ہوئے کہنا تھا کہ فردوس شمیم نقوی 27 سال قبل میرے ہمسفر اور پاکستان کو ایک منصفانہ اور انسانی اقدار پر مبنی سماج کی صورت میں ڈھالنے کے خواب میں میرے شراکت دار بنے۔
عمران خان نے کہا کہ فردوس شمیم کینسر کے مرض سے شفایابی کے مراحل میں ہیں، انہوں نے اپنے مرض کا بھی پورے وقار اور ہمت سے مقابلہ کیا، ایسے شخص کو دہشتگردی کے الزام میں زندان میں ڈال کر اہلِ اقتدار نے ظاہر کیا ہے کہ کس قدر پستی کے شکار ہیں۔
مزید پڑھیں:عمران خان 22 کی جگہ 23مئی کو نیب تحقیقات کا حصہ بننے کیلئے رضامند
پی ٹی آئی رہنماء عمران خان نے کہا کہ فردوس شمیم نقوی نے جدوجہد کے تمام نشیب و فراز کا پوری ثابت قدمی سے سامنا کیا اور ایمان کی پختہ بنیادوں پر استوار مضبوط کردار ہی تھا جو بہت سی مایوسیوں کے باوجود ثابت قدمی کا وسیلہ بنا۔
