رینجرز نے اسلام آباد ہائیکورٹ سے عمران خان کو گرفتار کر لیا

رینجرز نے پاکستان تحریکِ انصاف کے چیئرمین و سابق وزیر اعظم عمران خان کو اسلام آباد ہائیکورٹ سے گرفتار کر لیا ہے۔

تفصیلات کے مطابق رینجرز نے سابق وزیر اعظم عمران خان کو اسلام آباد ہائیکورٹ کے احاطے سے گرفتار کر لیا۔ سوشل میڈیا پر عمران خان کی گرفتاری کے بعد زخمی گارڈز کی ویڈیو وائرل ہوگئی۔

یہ بھی پڑھیں:

عزت ادارے کی نہیں، قوم کے ہر شہری کی ہونی چاہیے، عمران خان 

تاحال گرفتاری کی وجوہات سامنے نہیں آسکیں۔ چیئرمین تحریکِ انصاف عمران خان آج اسلام آباد ہائیکورٹ میں2 مقدمات میں ضمانت کی غرض سے پیش ہونے والے تھے، تاہم رینجرز نے سابق وزیر اعظم کو گرفتار کر لیا۔

سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ اسلام آباد ہائیکورٹ پر رینجرز نے قبضہ کر لیا ہے۔ وکلاء کو تشدد کا نشانہ بنایا جارہا ہے۔ عمران خان کی گاڑی کے گرد گھیرا ڈال لیا گیا۔

اسلام آباد ہائیکورٹ پر رینجرزنے قبضہ کر لیا ہے، وکلاء کو تشدد کا نشانہ بنایا جا رہا ہے، عمران خان کی گاڑی کے گرد گھیرا ڈال لیا گیا ہے

— Ch Fawad Hussain (@fawadchaudhry) May 9, 2023

معروف صحافی شاکر محمود اعوان کا کہنا ہے کہ سابق وزیر اعظم عمران خان کو گرفتار کرکے نامعلوم مقام پر منتقل کردیا گیا ہے۔ انہوں نے عمران خان کو گرفتار کرکے لے جاتے ہوئے رینجرز کی ویڈیو بھی شیئر کی۔ 

عمران خان کو گرفتار کر کہ نامعلوم مقام پر منتقل کردیا گیا pic.twitter.com/DFC6mhU6hU

— Shakir Mehmood Awan (@ShakirAwan88) May 9, 2023

ایک اور صحافی فہیم اختر ملک نے کہا کہ رینجرز نے عمران خان اور ان کے وکیل پر تشدد کیا ہے۔ انہوں نے بعض وکلاء پر تشدد کی ویڈیوز بھی سوشل میڈیا پر ڈال دیں۔

عمران خان اور انکے وکیل پر رینجرز کا تشدد pic.twitter.com/bZJccFNrHk

— Fahim Akhtar Malik (@writetofahim) May 9, 2023

سابق وزیرِ توانائی حماد اظہر کا کہنا ہے کہ عمران خان پر دورانِ گرفتاری تشدد کی اطلاعات آئی ہیں۔ تمام قوم اپنے قائد کے ساتھ کھڑی ہے اور آج پورا پاکستان باہر نکلے گا۔ 

عمران خان پر دوران گرفتاری تشدد کی اطلاعات آئی ہیں۔ تمام قوم اپنے قائد کے ساتھ کھڑی ہے اور آج پورا پاکستان باہر نکلے گا۔

— Hammad Azhar (@Hammad_Azhar) May 9, 2023