جمہوریت کو آگے بڑھانے کیلئے واحد راستہ فوری انتخابات ہیں۔عمران خان

اسلام آباد: پاکستان تحریکِ انصاف کے چیئرمین عمران خان نے کہا ہے کہ جمہوریت کو آگے بڑھانے کیلئے واحد راستہ فوری شفاف انتخابات ہیں۔ اگر جمہوریت کے عمل کو فروغ دینا ہے تو ضروری ہے کہ فوری عام انتخابات منعقد کیے جائیں۔

تفصیلات کے مطابق اداروں کو حکومت کے ماتحت کرنے کی قانون سازی پر تشویش کا اظہار کرتے ہوئے سابق وزیر اعظم عمران خان نے  کہا کہ حکومت اداروں کو کنٹرول کرنے کی ہر ممکن کوشش کر رہی ہے۔

یہ بھی پڑھیں:

عمرانی حکومت نے پاکستان کو عالمی تنہائی کا شکار کیا،مریم نواز

گزشتہ روز سابق وزیر اعظم عمران خان سے معروف قانون دان اور پی ٹی آئی رہنما بابر اعوان نے ملاقات کی۔ اس موقعے پر گفتگو کرتے ہوئے عمران خان نے کہا کہ ملک میں جمہوریت کو فروغ دینے کیلئے شفاف انتخابات ہونے چاہئیں۔

ملاقات کے دوران ملک کے اہم سیاسی و قومی امور پر گفتگو ہوئی۔ پی ٹی آئی رہنما بابر اعوان نے کہا کہ حکومتی اتحاد قانون سازی کے نام پر جمہوری روایات کو پامال کر رہا ہے۔ آئینی اور قانونی سطح پر جمہوریت کا بھرپور دفاع کرینگے۔

واضح رہے کہ تحریکِ انصاف موجودہ وفاقی حکومت پر الزام عائد کرچکی ہے کہ عمران خان کو بیرونی سازش کے ذریعے تحریکِ عدم اعتماد لا کر اقتدار سے ہٹایا گیا۔ بابر اعوان نے کہا کہ آئینی معاملات پر جلد عدلیہ سے رجوع کرینگے۔