گوگل نیوز پر ہمیں فالو کریںپاکستان مسلم لیگ (ن)کے سینئر مرکزی رہنما احسن اقبال نے کہا ہے کہ سابق وزیر اعظم نواز شریف کا نام ای سی ایل سے نکالنے کے معاملے کو حکومت نے مشروط کردیا جبکہ یہ ایک غیر انسانی فعل ہے۔
سینئر رہنما پاکستان مسلم لیگ (ن) احسن اقبال نے لاہور میں میڈیا نمائندگان سے گفتگو کرتے ہوئے کہا کہ تحریک انصاف کی حکومت نے اپنے سیاسی بیانیے کو تقویت دینے کے لیے غیر انسانی فعل کا ارتکاب کیا جس کی مذمت کرتے ہیں۔
یہ بھی پڑھیں: ن لیگ کے 5 بندے مفرور، نواز شریف کی ضمانت دینے سے قبل سوچ لیں۔عثمان ڈار
سابق وزیر داخلہ احسن اقبال نے کہا کہ ہمیں مسلم لیگ (ن) کے تاحیات قائد نواز شریف کا نام ایگزٹ کنٹرول لسٹ (ای سی ایل) سے نکالنے کے معاملے پر عدالت سے امید ہے کہ ریلیف دے دیا جائے گا۔
احسن اقبال نے کہا کہ پاکستان کے چوٹی کے ماہرین نواز شریف کے معاملے پر ضمانتی بانڈ کی شرط عائد کرنے پر قانونی آراء کا اظہار کرچکے اور میں نے وزیر داخلہ کی حیثیت سے ای سی ایل کے معاملات پہلے بھی دیکھے مگر ایسا کبھی نہیں ہوا۔
یاد رہے کہ اس سے قبل مسلم لیگ(ن) کے سیکرٹری جنرل احسن اقبال نے کہا کہ آزادی مارچ کے مطالبات کی سیاسی حمایت جاری رکھیں گے تاہم کسی بھی ماورائے آئین، پرتشدد احتجاج اور غیر جمہوری اقدام کی حمایت نہیں کریں گے۔
مسلم لیگ (ن) کی ایڈوائزی کمیٹی کے اجلاس کے بعد4 نومبر کو میڈیا سے گفتگو کرتے ہوئے انہوں نے کہا کہ پاکستان فیصلہ کن موڑ پر کھڑا ہے،اناڑی حکومت نے جس طریقے سے چلایا، معاشی طور ملک کو پر کریش کر دیا گیا ہے۔
مزید پڑھیں: پرتشدد احتجاج اور غیرجمہوری اقدام کی حمایت نہیں کریں گے، احسن اقبال
