گوگل نیوز پر ہمیں فالو کریںعرفی جاوید کے فیشن سینس پر بات کرتے ہوئے پاکستان کی سینئر اداکارہ عفت عمر کا کہنا تھا کہ اگر اپنی مرضی کا فیشن کر کے نکلوں تو’لاہور‘ مجھے قتل کر دے۔
سینئر اداکارہ عفت عمر نے حال ہی میں ایک شو میں شرکت کی، جس دوران میزبان محسن حیدر نے ان سے بھارتی ماڈل عرفی جاوید کے فیشن سینس سے متعلق سوال پوچھا؟
عفت عمر نے میزبان کے سوال پر کہا کہ عرفی کا فیشن ان کی اپنی مرضی ہے لیکن یہ میرے طرز کا فیشن نہیں ہے اس لیے میں اس فیشن کو نہیں قبول کروں گی لیکن میں ان کے فیشن سینس کی برائی بھی کیوں کروں؟
عفت عمر نے کہا کہ کوئی بھی انسان فیشن کیلئے صحیح اور غلط ہونے کا دعویٰ نہیں کر سکتا، فیشن کیلئے کوئی بھی باؤنڈری عام انسان منتخب نہیں کر سکتا۔
اداکارہ کا مزید کہنا تھا کہ اگر میں اپنی مرضی کے مطابق فیشن شروع کردوں تو لاہور قتل کردے لاہور پر پینٹ پھر جائے پھر، اگر آپ اپنی تیاری پر مطمئن ہیں تو آپ خوش رہیں۔
مزید پڑھیں:بھارتی اداکارہ پرینیتی چوپڑا کی راگھو چڈھا سے شادی کی تاریخ سامنے آگئی
اداکارہ کا بیان سامنے آنے کے بعد مداحوں کی جانب سے ملے جلے رد عمل کا اظہار کیا جارہا ہے۔
