گوگل نیوز پر ہمیں فالو کریںمشہورومعروف ماہرِ معاشیات ڈاکٹر قیصر بنگالی نے کہا ہے کہ میں پاکستان مسلم لیگ (ن) کے سینئر مرکزی رہنما اور سابق وزیرِ اعظم پاکستان شاہد خاقان عباسی کے قومی ائیر لائنز (پی آئی اے) کی نجکاری پر دئیے گئے بیان سے اتفاق نہیں کرتا۔
سماجی رابطے کی ویب سائٹ ٹوئٹر پر اپنے پیغام میں معروف ماہرِ معاشیات ڈاکٹر قیصر بنگالی نے کہا کہ سابق وزیرِ اعظم شاہد خاقان عباسی کا بیان پی آئی اے کی نجکاری کی حمایت کرتا ہے۔ میری رائے میں قومی ائیر لائن کے اثاثوں کی نجکاری نہیں ہونی چاہئے تاہم ادارے کی انتظامیہ پرائیویٹائز ہوسکتی ہے۔
ماہرِ معاشیات ڈاکٹر قیصر بنگالی نے کہا کہ قومی ائیر لائنز(پی آئی اے) کی انتظامیہ کو حکومت اپنے قواعد و ضوابط اور اصلاحات کے تحت نجکاری کے عمل سے گزار سکتی ہے جبکہ حکومت کو چاہئے کہ وہ کے الیکٹرک کی تباہی سے کچھ سیکھے۔
ڈاکٹر قیصر بنگالی نے کہا کہ کے الیکٹرک کی طرز پر قومی اداروں کی اندھا دھند نجکاری نہیں ہونی چاہئے کیونکہ اس کے نتیجے میں ملک بھر میں نت نئے مافیاز جنم لیں گے جو بالآخر ملک کے لیے مشکلات پیدا کرنے کا سبب بنیں گے۔
Disagree with ex-PM Abbasi's statement supporting PIA privatization. Assets should not be privatized, management may be privatized, subject to State regulations. Establishment must learn frm K-Electric disaster. Blind privatizations will create new mafias.
— Dr. Kaiser Bengali (@kaiserbengali) June 28, 2020
