گوگل نیوز پر ہمیں فالو کریںپولیس نے حیدر آباد سے اغواء کیے گئے 6 سالہ بچے عمران علی کو لاڑکانہ سے بازیاب کرا لیا ہے۔
سماجی رابطے کی ویب سائٹ ٹوئٹر پر ایڈیشنل آئی جی ڈاکٹر جمیل احمد نے اپنے پیغام میں بتایا کہ 6 سالہ عمران علی کو حیدر آباد سے کچھ روز قبل اغواء کیا گیا تھا۔
پیغام میں اے آئی جی ڈاکٹر جمیل احمد نے کہا کہ حیدر آباد پولیس نے بچے کو بازیاب کرنے کیلئے لاڑکانہ پولیس کی مدد اور جدید ٹیکنالوجی کا استعمال کیا۔
انہوں نے کہا کہ آج اغواء کے بعد بازیاب کیا گیا عمران علی اپنے والدین کے ہمراہ میرے پاس آیا، میرا شکریہ ادا کیا اور ہم نے ساتھ مل کر چائے پی۔
6 year old Imran Ali who was kidnapped from Hyderabad city was recovered from Ratodero/ Larkana within a few days with help of Larkana police using modern cellular technology & Locator.
He visited my office along with his parents to thank me and have a cup of tea.@sindhpolicedmc pic.twitter.com/3uoYLs0Pqr— IGP Dr. Jamil Ahmed PSP, PPM (@jahmed95) November 21, 2020
یاد رہے کہ اِس سے قبل کراچی کے علاقے گلشن معمار سے لاپتہ ہونیوالے بلڈر کے بیٹے عادل ولد تاج عالم کوپولیس نے بلوچستان کے علاقے چھٹ پٹ سے ڈھونڈ نکالا۔
پولیس نے والد کی مدعیت میں نامعلوم ملزمان کیخلاف اغواء کا مقدمہ نمبر 507/2020 درج کیا تھا۔عادل ولد تاج عالم نے رواں ماہ اپنی مرضی سے گھر چھوڑ کر جانے کا اعتراف کیا۔
مزید پڑھیں: گلشن معمار سے لاپتہ ہونیوالا بلڈر کا بیٹا بلوچستان سے بازیاب
