وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے پیغام میں عالمی میڈیا کے ایک کالم کا لنک شیئر کیا جس کا عنوان ہے کہ ورلڈ بینک ثالثین نے پاکستان کو کس طرح لوٹا؟
وزیر سائنس و ٹیکنالوجی فواد چوہدری نے جس کالم کا لنک شیئر کیا ہے، اس کے مصنف جیفری ڈی سیچس ہیں جنہوں نے پروجیکٹ سنڈیکیٹ نامی جریدے میں شائع کالم میں ورلڈ بینک پر پاکستان کے ساتھ لوٹ مار کا الزام عائد کیا ہے۔
How World Bank Arbitrators Mugged Pakistan by Jeffrey D. Sachs – Project Syndicate https://t.co/a11xbRRRLY
— Ch Fawad Hussain (@fawadchaudhry) November 27, 2019
عالمی میڈیا کالم نگار کے مطابق ورلڈ بینک کے نام نہاد ثالثی طریقہ کار میں امیر ممالک غریب ریاستوں کی قیمت پر دولت بنانے میں مصروف ہیں جبکہ اس ضمن میں تازہ ترین دھوکا پاکستان کے ساتھ کیا گیا ہے۔
کالم نگار کے مطابق حکومتِ پاکستان کی طرف سے 5.9 ارب ڈالر کی رقم دو گلوبل مائننگ کمپنیز کو دی گئی جو ایک ایسے پروجیکٹ کے لیے تھی جسے نہ کبھی منظوری دی گئی اور نہ ہی اس پر کبھی عمل درآمد ہو سکا۔
یاد رہے کہ اس سے قبل وفاقی وزیر سائنس و ٹیکنالوجی فواد چوہدری نے ناروے میں قرآن پاک کی بے حرمتی کے واقعے کی شدید مذمت کی اور حکومتِ ناروے سے کارروائی کا مطالبہ کیا۔
فواد چوہدری نے ناروے واقعے کی مذمت کرتے ہوئے 4 روز قبل ٹوئٹر پیغام میں کہاکہ ناروے کو مسلمانوں کی بجائے شدّت پسندوں کے خلاف کارروائی کرنی چاہئے۔
اپنے پیغام میں وزیر سائنس و ٹیکنالوجی فواد چوہدری نے کہا کہ ناروے کے شدت پسند گروہ کی طرف سے قرآنِ کریم کی بے حرمتی کی جتنی مذمت کی جائے، کم ہے۔
مزید پڑھیں: ناروے کو شدت پسندوں کے خلاف کارروائی کرنی چاہئے۔فواد چوہدری