رنویر سنگھ کے بولڈ فوٹو شوٹ پر عامر خان نے کیا ردعمل دیا؟

بالی ووڈ کے مسٹر پرفیکشنسٹ عامر خان کا اداکار رنویر سنگھ کے بولڈ فوٹو شوٹ پر ردعمل سامنے آگیا۔

حال ہی میں اداکار عامر خان نے اپنی ساتھی اداکارہ کرینہ کپور کے ہمراہ کرن جوہر کے پروگرام کافی ود کرن 7 میں بطور مہمان شرکت کی۔

کرن جوہرنےعامر خان سے سوال کیا کہ کیا آپ نے رنویر سنگھ کا حالیہ فوٹو شوٹ دیکھا ہے؟ اور اس پر آپ کیا کہنا چاہیں گے؟

جواب میں عامر خان نے کہا کہ ہاں، میں نے دیکھا ہے، رنویر سنگھ کا یہ کافی بولڈ فوٹو شوٹ ہے۔

خیال رہے کہ بالی ووڈ کی کئی مشہور شخصیات نے رنویرسنگھ کے فوٹو شوٹ کی حمایت کی تھی۔

یہ بھی پڑھیں:

گھر بیٹھے ٹافیاں کھائیں اور ماہانہ 6 ہزار ڈالر پائیں

قبل ازیں عالیہ بھٹ نے بھی ردعمل دیتے ہوئے کہا تھا کہ مجھے اپنے پسندیدہ رنویر سنگھ کے بارے میں کوئی منفی بات پسند نہیں ہے، میں ان سے پیار کرتی ہوں اور وہ ہم میں سے ہر کسی کے لیے ہمیشہ کے لیے پسندیدہ رہیں گے۔

عالیہ بھٹ کا کہنا تھا کہ رنویر سنگھ نے ہمیں فلموں میں بہت کچھ دیا ہے لہٰذا ہمیں اسے صرف پیار دینا چاہئیے۔

یاد رہے کہ اداکار کی جانب سے کروائے گئے برہنہ فوٹو شوٹ کے بعد 26 جولائی کو بھارتی ریاست مہاراشٹر کے شہر ممبئی کی ایک نان گورنمنٹ آرگنائزیشن (این جی او) نے پولیس کو مقدمہ دائر کرنے کی درخواست جمع کروائی تھی۔