گوگل نیوز پر ہمیں فالو کریںکرائے پر لی گئی گاڑی نوجوان کی موت وجہ بن گئی، کراچی کے علاقے مسکن چورنگی میں ہوئے حادثے میں نوجوان انجینئر کی موت کے معلق اہم اکشافات سامنے آگئے۔
گزشتہ روز کراچی کے علاقے گلشن اقبال مسکن چورنگی ٹریفک حادثے میں انجیئرنگ کے طالب علم کے جاں بحق ہونے سے متعلق انکشاف ہوا ہے کہ ملزم بشارت اور بلال نے لگژری گاڑی تین گھنٹے کے لیے کرائے پر لی تھی۔
نجی چینل آج کی رپورٹ کے مطابق ملزمان فلسطین یکجہتی ریلی سے واپس آ رہے تھے کہ گلشن اقبال مسکن چورنگی پر گاڑی بے قابو ہو کر حادثے کا شکار ہوگئی۔
پولیس حکام کے مطابق ملزمان نے ساجد نامی شخص سے گاڑی رینٹ پر لی تھی، گاڑی میں 6 افراد سوار تھے، حادثہ ہوتے ہی 3 افراد گاڑی سے اتر کر فرار ہو گئے۔
ملزم ڈرائیور بشارت نے پولیس کو بتایا کہ گاڑی 3 گھنٹے کے لیے 8 ہزار روپے کرائے پرلی، گاڑی ریلی میں شرکت کے لیے لی تھی۔
پولیس کے مطابق ملزم بشارت نے 2024 میں لرنر لائسنس بنوایا تھا، گاڑی جلانے میں ملوث ملزمان ریسٹورنٹ ملازم اورایک طالب علم تھا۔ حادثے میں ملوث چھ ملزمان کو جیل بھیج دیا گیا۔
