گوگل نیوز پر ہمیں فالو کریںلاہور: پاکستان مسلم لیگ (ن) کی سینئر رہنما حنا پرویز بٹ نے کہا ہے کہ نواز شریف کی وطن واپسی پر عوام کو مہنگائی میں کمی کی خوشخبری سننے کو ملے گی۔
سماجی رابطے کی ویب سائٹ ٹوئٹر پر اپنے پیغام میں سابق رکنِ پنجاب اسمبلی حنا پرویز بٹ نے کہا کہ تاریخ گواہ ہے کہ نواز شریف کے دور میں نہ صرف مہنگائی میں کمی آئی بلکہ چیزوں کی قیمتیں مستحکم بھی رہیں۔
پی ٹی آئی کو جلسے کی اجازت نہ مل سکی، اسد قیصر کا انتخابات میں دھاندلی کا الزام
ٹوئٹر پیغام میں حنا پرویز بٹ نے سابق وزیر اعظم کی تعریف کرتے ہوئے کہا کہ ان شاء اللہ نواز شریف وطن واپس آ کر دوبارہ مہنگائی میں کمی لا کر غریبوں کو ریلیف دیں گے۔
تاریخ گواہ ہے کہ میاں صاحب کے دور میں نہ صرف مہنگائی میں کمی آئی بلکہ چیزوں کی قیمتیں بھی مستحکم رہیں، انشااللہ میاں صاحب دوبارہ واپس آکر مہنگائی میں کمی لاکر غریبوں کو ریلیف دیں گے۔۔ #مہنگائی_کا_توڑ_نوازشریف pic.twitter.com/KLtdAG0D2k
— Hina Parvez Butt (@hinaparvezbutt) October 16, 2023
خیال رہے کہ حنا پرویز بٹ کو سابق حکمراں سیاسی جماعت پی ٹی آئی کے بڑے ناقدین میں سے ایک سمجھا جاتا ہے جو سابق وزیر اعظم عمران خان کے خلاف بھی بیانات جاری کرتی رہی ہیں اور نواز شریف کے حق میں بھی ان کے بیانات سامنے آتے رہتے ہیں۔
حنا پرویز بٹ کا کہنا ہے کہ انہوں نے مریم نواز کی اپنے والد کا ساتھ دینے کیلئے ہمت و حوصلہ اور پارٹی کیلئے ان کی خدمات کو دیکھتے ہوئے مسلم لیگ (ن) میں شمولیت کا فیصلہ کیا تھا۔
