گوگل نیوز پر ہمیں فالو کریںکویت دنیا بھر کے سیاحوں کے لیے ایک دلچسپ منزل بنتا جا رہا ہے اور پاکستانی شہری جو اپنے اہل خانہ کو وزٹ ویزا پر خلیجی ملک لے جانا چاہتے ہیں وہ کویتی حکام کی جانب سے مقرر کردہ آسان اور منظم طریقہ کار پر عمل کر سکتے ہیں۔
کویت فیملی وزٹ ویزا کے لیے شرائط اور ضروریات
کویت فیملی وزٹ ویزا کے لیے درخواست دینے کا عمل مخصوص دستاویزات اور کویتی حکومت کی ہدایات کی پابندی کا متقاضی ہے۔
مالی شرائط:
فیملی وزٹ ویزا کے لیے مالی معیار سپانسر کے رشتہ داروں کے لحاظ سے مختلف ہوتا ہے:
بیوی، بچے یا والدین کے لیے اسپانسر کی ماہانہ تنخواہ کم از کم 400 کویتی دینار (تقریباً 365000 پاکستانی روپے) ہونی چاہیے۔
بھائی، بہن اور دیگر رشتہ داروں کے لیے تنخواہ کی حد 800 کویتی دینار (تقریباً 731000 پاکستانی روپے) مقرر کی گئی ہے۔
دیگر رشتہ داروں کے لیے کویت کی متعلقہ اتھارٹیز سے تصدیق لازمی ہے۔
ضروری دستاویزات:
کم از کم چھ ماہ کی مدت کے ساتھ درست پاسپورٹ
رشتہ کی تصدیق کے دستاویزات جو نادرا پاکستان سے جاری کیے گئے ہوں، جیسے کہ:
بیوی کے لیے شادی کا سرٹیفکیٹ
بچوں یا والدین کے لیے فیملی رجسٹریشن سرٹیفکیٹ
دیگر رشتہ داروں کے لیے رشتہ سرٹیفکیٹ اور شادی کا سرٹیفکیٹ (عربی زبان میں)جس کی توثیق پاکستان کے کویت میں سفارتخانے اور کویت کے وزارت خارجہ سے کی گئی ہو
اسپانسر کا سول آئی ڈی اور ورک پرمٹ کی کاپی
جزیرا ایئرویز یا کویت ایئرویز کے ذریعے بک کیے گئے واپسی کے فلائٹ ٹکٹ
مکمل بھرا ہوا ویزا درخواست فارم
اسپانسر کا حلف نامہ جس میں وعدہ کیا گیا ہو کہ وزٹ ویزا کو اقامہ میں تبدیل نہیں کیا جائے گا
درخواست کا طریقہ کار:
کویت فیملی وزٹ ویزا کی درخواست کے لیے “میٹا” یا “سہل” ایپ کے ذریعے اپوائنٹمنٹ لازمی حاصل کرنا ہوگی، جیسا کہ متعلقہ حکام نے ہدایت دی ہے۔
درخواست گزاروں کو تمام ضروری دستاویزات مقررہ دفتر پر جمع کرانی ہوں گی۔ ویزا فیس کی مد میں 3 کویتی دینار ادا کرنے کے بعد ایک ماہ کے لیے فیملی وزٹ ویزا جاری کیا جائے گا۔
