ماہانہ 2000 روپے کا وظیفہ کیسے حاصل کریں؟ جانئے اہم معلومات

پاکستان کی پوری قوم اس وقت بڑھتی ہوئی مہنگائی سے شدید پریشان ہے، ایسے میں وزیراعظم میاں شہباز شریف نے کم آمدنی والے شہریوں کیلئے ماہانہ 2000 روپے کے وظیفہ اعلان کیا ہے۔

حال ہی میں وزیر اعظم شہباز شریف نے غریب خاندانوں کو موجودہ مہنگائی اور معاشی بحران سے بچانے کے لیے ریلیف پیکج کا اعلان کیا ہے۔

وزیراعظم کی جانب سے دیے گئے اس ریلیف پیکیج میں بہت سی چیزوں کے علاوہ غریب خاندانوں کو 50 لاکھ روپے دینے کا بھی اعلان کیا گیا ہے۔

اب یہاں پر سوال پیدا ہوتا ہے کہ غریب خاندانوں کو 2000 روپے ملیں گے، لیکن کیسے؟

یہ بھی پڑھیں:

حکومتی اتحادی چیئرمین نیب کیلئے جسٹس (ر) مقبول باقر کے نام پر متفق

وزیر اعظم نے واضح کیا ہے کہ وظیفہ بے نظیر انکم سپورٹ پروگرام کے تحت غیر مراعات یافتہ خاندانوں کو ملنے والے وظیفے کے علاوہ ہوگا۔

ریلیف پیکج کے ذریعے اہل درخواست گزاروں کی فہرست موصول ہوتی ہے۔ اس کے بعد حکام نیشنل ڈیٹا بیس رجسٹرڈ اتھارٹی (نادرا) کی مدد سے حکومت کے مقرر کردہ معیار کے تحت اہل درخواست دہندگان کے زمرے کی تصدیق کرتے ہیں۔

حکومت کے مقرر کردہ معیار کے مطابق درخواست گزار سرکاری ملازم یا سرکاری ملازمین کا شریک حیات نہیں ہونا چاہیے اور ان کے پاس کار اور موٹر سائیکل نہیں ہونی چاہیے اور بیرون ملک سفر کا بھی کوئی ریکارڈ نہیں ہونا چاہیے۔

اگلے مرحلے میں، ان درخواست دہندگان کا ڈیٹا ایسے کمپیوٹر میں فیڈ کیا جاتا ہے جس میں یہ دیکھا جاتا ہے کہ آیا انہوں نے جو معلومات اپنے بارے میں دی ہیں وہ تمام کی تمام درست ہیں یا نہیں۔ درخواست دہندگان کے کلیئر ہونے کے بعد، انہیں نامزد بینکوں سے رقم کی وصولی کیلئے ایک پیغام موصول ہوتا ہے۔