گوگل نیوز پر ہمیں فالو کریںہالی ووڈ اسٹار ہنری کیول نے سُپر مین کے طور پر واپس آنے سے انکار کردیا، جس سے اُن کے مداح افسردہ ہوگئے ہیں۔
ہالی ووڈ اداکار نے اپنے آفیشل انسٹاگرام اکاؤنٹ پر پوسٹ شیئر کرتے ہوئے اس بات کا باقاعدہ اعلان کیا ہے کہ وہ سُپر مین سیریز کو الواع کہہ رہے ہیں۔
مین آف اسٹیل اداکار نے اپنے پیغام میں لکھا کہ میری ابھی ابھی جیمز گن اور پیٹر سیفران سے ملاقات ہوئی ہے اور یہ افسوسناک خبر ہے کہ میں اب سپرمین کے طور پر واپس نہیں آؤں گا۔ اسٹوڈیو کی طرف سے اکتوبر میں میری واپسی کا اعلان کرنے کے بعد یہ خبر آسان نہیں ہے، مگر یہی زندگی ہے۔
View this post on Instagram
ہنری کیول نے سپرمین سیریز کے تخلیق کار جیمز گن اور پیٹر کے مستقبل کیلئے نیک خواہشات کا اظہار کرتے ہوئے سالوں تک انہیں محبت دینے والے اپنے مداحوں کا بھی شکریہ ادا کیا۔
یاد رہے کہ رواں سال اکتوبر میں ہنری کیول نے ایک انسٹاگرام ویڈیو میں تصدیق کی تھی کہ وہ سپرمین کے طور پر واپس اسکرین پر جلوہ گر ہوں گے۔
یہ اعلان بلیک ایڈم کے درمیانی کریڈٹ سین میں سپرمین کے مختصر کردار کے بعد سامنے آیا تھا تاہم اب انہوں نے اس مشہورِ زمانہ سیریز کو الودارع کہہ دیا ہے۔
واضح رہے کہ جیمز گن نے اعلان کیا ہے کہ سُپرمین سیریز کا نیا ایڈیشن جلد آئے گا تاہم سُپر مین کا کردار کون ادا کرے گا اس حوالے سے ابھی کوئی معلومات فراہم نہیں کی گئی ہیں جبکہ ہنری کا کہنا ہے کہ وہ مختلف ڈی سی کامکس کرداروں میں نظر آئیں گے۔
