گوگل نیوز پر ہمیں فالو کریںراولپنڈی: آرمی چیف جنرل قمر جاوید باجوہ نے اعلیٰ عسکری حکام کو کراچی سمیت سندھ بھر میں سیلابی صورتحال کے دوران مشکلات میں پھنسے ہوئے شہریوں کی ہر ممکن مدد کی ہدایت کی ہے۔
سماجی رابطے کی ویب سائٹ ٹوئٹر پر اپنے پیغام میں ڈی جی آئی ایس پی آر نے کہا کہ آرمی چیف نے کراچی میں کور کمانڈرز کو ہدایت کی ہے کہ سیلاب کے دوران ریلیف آپریشنز میں عوام کی ہر ممکن مدد کی جائے۔
پاک فوج کے شعبۂ تعلقاتِ عامہ (آئی ایس پی آر) کے مطابق آرمی چیف نے کہا کہ حالیہ بارشوں کے دوران کراچی اور اندرونِ سندھ کے عوام مشکلات کا شکار ہیں۔ پاک فوج امدادی کارروائیوں میں بڑھ چڑھ کر حصہ لے۔
آئی ایس پی آر کے مطابق آرمی چیف نے کہا کہ پاک فوج کے جوانوں کو مشکلات کا شکار آبادیوں کی مدد کیلئے تمام تر وسائل بروئے کار لانا ہوں گے تاکہ عوام کی مشکلات کا تدارک کیا جاسکے۔
#COAS directed karachi Corps to step up flood relief operations to assist affected people due to recent rains in interior Sindh and #Karachi. “Troops must reach out to affected population in distress and extend all necessary care”, COAS.
— DG ISPR (@OfficialDGISPR) August 25, 2020
یاد رہے کہ اِس سے قبل پاکستان تحریک انصاف کراچی کے صدر و رکن سندھ اسمبلی خرم شیر زمان نے کہا کہ وزیر اعظم، آرمی چیف کراچی سمیت سندھ بھر کی حالت پر نوٹس لیں۔ کراچی کے شہری بے یارومددگار ہیں سندھ حکومت روائتی غفلت میں مصروف ہے۔
انہوں نے گزشتہ روز بیان میں کہا کہ کراچی کو بارشوں سے زیادہ سندھ حکومت کی نااہلی سے نقصان ہورہا ہے۔ روشنیوں کے شہر کو سندھ حکومت نے اندھیروں اور پانی میں ڈبو دیا ہے۔ شہری روڈوں پر خوار و پریشان ہورہے ہیں اور صوبائی وزرا کہیں نظر نہیں آرہے۔
مزید پڑھیں: آرمی چیف کراچی کی حالت پر نوٹس لیں، خرم شیر زمان
