گوگل نیوز پر ہمیں فالو کریںکراچی:ایچ بی ایل پی ایس ایل کے لئے کراچی کنگز نے ہیڈ کوچ کا اعلان کردیا ہے، 2016 کے ٹی ٹونٹی ورلڈ کپ کے فاتح کوچ فل سیمنز کراچی کنگز کے ہیڈ کوچ مقرر ہوگئے۔
فل سمینز 1987 کے ورلڈ کپ میں ویسٹ انڈیز کی نمائندگی کرتے ہوئے کراچی کنگز کے ہوم گراؤنڈ نیشنل اسٹیڈیم میں کھیل چکے ہیں۔
کراچی کنگز کے ہیڈ کوچ فل سیمنزکا اس موقع پر کہنا تھا کہ کراچی کنگز کا حصہ بننے پر بہت پرجوش ہوں، ایک مربوط ری بلڈنگ پراسیس کے بعد اس سیزن میں کراچی کنگز ایک منفرد روپ میں اور ایک میچ وننگ یونٹ کی شکل میں نظر آئے گی۔
انہوں نے کہا کہ کراچی کنگز کی مینجمنٹ خاص طور پر ٹیم اونر سلمان اقبال کا مشکور ہوں کہ انہوں کراچی کنگز کے ایک نئے سفر پر کام کرنے کے لئے اپنی تمام تر سپورٹ کی یقین دہانی کرائی۔
کراچی کنگز ٹیم اونر سلمان اقبال کا اس موقع پر کہنا تھا کہ ہمیں فل سیمنز کو بطور ہیڈ کوچ مقرر کرنے پر بہت خوشی ہے۔ بطور کوچ اور کھلاڑی ان کا شاندار ٹریک ریکارڈ ان کی صلاحیت کے بارے میں منہ بولتا ثبوت ہے۔
انہوں نے کہا کہ ہمیں یقین ہے کہ فل سیمنز کی کوچنگ کراچی کنگز کو مزید بلندیوں تک لے جائے گی۔
